© Sputnik / Bolat Shaihinov
Qazaqstannyń tuńǵysh prezidentiniń nemere inisi Qairat Satybaldy memleketke 650 mlrd teńge ($1,45 mlrd) qaitardy. Bul týraly Cybailas jemqorlyqqa qarsy is-qimyl agenttiginiń resmi ókili Arman Tileýkenov málimdedi, - dep habarlaidy Sputnik Qazaqstan.
Resmi málimetke sáikes, Satybaldyuly qylmystyq jolmen alynǵan qarajatqa jáne zańsyz is-áreketterden túsken paidaǵa san alýan múlik satyp alǵan. Al aqshany Qazaqstan men sheteldegi bank shottaryna salǵan. Qazirgi kezde bul qylmystyq is sotqa joldandy.
"Sondai-aq salyqtan jaltarý faktisi boiynsha Satybaldyǵa qatysty sotqa deiingi tergeý jalǵasyp jatyr", - dedi Tileýkenov búgingi brifingte.
Aldymen agenttiktiń resmi ókili memleketke 850 mlrd teńge qaitarylǵanyn málimdedi. Artynan bul somany túzetip, 650 mlrd teńge qaitqanyn jetkizdi.
Aita keteri, Nazarbaevtyń nemere inisi Qairat Satybaldy 2022 jyly 6 jylǵa sottaldy. Sot onyń merziminen buryn bosatý týraly ótinishin qanaǵattandyrýdan bas tartty.
