© Sputnik / بولات شايحينوۆ
قازاقستاننىڭ تۇڭعىش پرەزيدەنتٸنٸڭ نەمەرە ٸنٸسٸ قايرات ساتىبالدى مەملەكەتكە 650 ملرد تەڭگە ($1,45 ملرد) قايتاردى. بۇل تۋرالى Cىبايلاس جەمقورلىققا قارسى ٸس-قيمىل اگەنتتٸگٸنٸڭ رەسمي ٶكٸلٸ ارمان تٸلەۋكەنوۆ مەلٸمدەدٸ, - دەپ حابارلايدى Sputnik قازاقستان.
رەسمي مەلٸمەتكە سەيكەس, ساتىبالدىۇلى قىلمىستىق جولمەن الىنعان قاراجاتقا جەنە زاڭسىز ٸس-ەرەكەتتەردەن تٷسكەن پايداعا سان الۋان مٷلٸك ساتىپ العان. ال اقشانى قازاقستان مەن شەتەلدەگٸ بانك شوتتارىنا سالعان. قازٸرگٸ كەزدە بۇل قىلمىستىق ٸس سوتقا جولداندى.
"سونداي-اق سالىقتان جالتارۋ فاكتٸسٸ بويىنشا ساتىبالدىعا قاتىستى سوتقا دەيٸنگٸ تەرگەۋ جالعاسىپ جاتىر", - دەدٸ تٸلەۋكەنوۆ بٷگٸنگٸ بريفينگتە.
الدىمەن اگەنتتٸكتٸڭ رەسمي ٶكٸلٸ مەملەكەتكە 850 ملرد تەڭگە قايتارىلعانىن مەلٸمدەدٸ. ارتىنان بۇل سومانى تٷزەتٸپ, 650 ملرد تەڭگە قايتقانىن جەتكٸزدٸ.
ايتا كەتەرٸ, نازارباەۆتىڭ نەمەرە ٸنٸسٸ قايرات ساتىبالدى 2022 جىلى 6 جىلعا سوتتالدى. سوت ونىڭ مەرزٸمٸنەن بۇرىن بوساتۋ تۋرالى ٶتٸنٸشٸن قاناعاتتاندىرۋدان باس تارتتى.
