Biyl – el táýelsizdiginiń shirek ǵasyrlyq mereitoiy. Osyǵan orai búgin ótken saltanatty jiynda Joǵarǵy Sot Tóraǵasy: «Memlekettik týymyzda, Eltańbamyzda aishyqtalǵan ideiamyz júzege asty. Tastúlek bop ushtyq, muzbalaq bop qondyq. Shańyraǵymyz biiktedi. Ult armany, ulys deńgeii qazanattai qýattandy, sáigúliktei oza shapty.
Táýelsizdiktiń 25 jylynyń usynar tarihi sabaǵy da, berer ǵibraty da mol. Búgingi tańda kózimiz jetip otyrǵan sol tarihi sabaqtyń, atqan tańdai aqiqaty halqymyzdyń Elbasyna degen tini berik, tabany myqty senimi! Óitkeni Tuńǵysh Prezident, myń qubylǵan kúrdeli dáýirde el qubylasyn qubyltpas memleket qura bildi. Qalǵyp ketken ǵasyrlarǵa jan bitirip, uiqysynan oiatty! Tarih qoinaýynda qalǵan baba-memleketterdiń jalǵasy búgingi Qazaqstan ekenine, búgingi Uly Dala Eli ekenine álemniń kózin jetkize bildi.
Tar kezeńde taryqtyrmai – zar kezeńde zaryqtyrmai týǵan Eliń taý kótergen Tolaǵaidai arqalap úlken aidynǵa alyp shyqty! Bul – zamana shyndyǵy! Sondyqtan da búgingi tańda táýelsizdik týraly áńgime – Elbasynyń eren eńbegi týraly áńgime», - dedi. Osy rette ol Elbasy men barsha halyqty osy mereitoimen shyn júrekten quttyqtai kele: «Táýelsizdik – baǵa jetpes qundylyq! Bul – namys pen jaýapkershilik jemisi. Egemen elimizdiń aldaǵy joly baiandy, tabystary qomaqty bola bersin! Elbasymyz ben elimiz aman bolsyn!», - degen tilegin jetkizdi.
.jpeg)