بيىل – ەل تەۋەلسٸزدٸگٸنٸڭ شيرەك عاسىرلىق مەرەيتويى. وسىعان وراي بٷگٸن ٶتكەن سالتاناتتى جيىندا جوعارعى سوت تٶراعاسى: «مەملەكەتتٸك تۋىمىزدا, ەلتاڭبامىزدا ايشىقتالعان يدەيامىز جٷزەگە استى. تاستٷلەك بوپ ۇشتىق, مۇزبالاق بوپ قوندىق. شاڭىراعىمىز بيٸكتەدٸ. ۇلت ارمانى, ۇلىس دەڭگەيٸ قازاناتتاي قۋاتتاندى, سەيگٷلٸكتەي وزا شاپتى.
تەۋەلسٸزدٸكتٸڭ 25 جىلىنىڭ ۇسىنار تاريحي ساباعى دا, بەرەر عيبراتى دا مول. بٷگٸنگٸ تاڭدا كٶزٸمٸز جەتٸپ وتىرعان سول تاريحي ساباقتىڭ, اتقان تاڭداي اقيقاتى حالقىمىزدىڭ ەلباسىنا دەگەن تٸنٸ بەرٸك, تابانى مىقتى سەنٸمٸ! ٶيتكەنٸ تۇڭعىش پرەزيدەنت, مىڭ قۇبىلعان كٷردەلٸ دەۋٸردە ەل قۇبىلاسىن قۇبىلتپاس مەملەكەت قۇرا بٸلدٸ. قالعىپ كەتكەن عاسىرلارعا جان بٸتٸرٸپ, ۇيقىسىنان وياتتى! تاريح قويناۋىندا قالعان بابا-مەملەكەتتەردٸڭ جالعاسى بٷگٸنگٸ قازاقستان ەكەنٸنە, بٷگٸنگٸ ۇلى دالا ەلٸ ەكەنٸنە ەلەمنٸڭ كٶزٸن جەتكٸزە بٸلدٸ.
تار كەزەڭدە تارىقتىرماي – زار كەزەڭدە زارىقتىرماي تۋعان ەلٸڭ تاۋ كٶتەرگەن تولاعايداي ارقالاپ ٷلكەن ايدىنعا الىپ شىقتى! بۇل – زامانا شىندىعى! سوندىقتان دا بٷگٸنگٸ تاڭدا تەۋەلسٸزدٸك تۋرالى ەڭگٸمە – ەلباسىنىڭ ەرەن ەڭبەگٸ تۋرالى ەڭگٸمە», - دەدٸ. وسى رەتتە ول ەلباسى مەن بارشا حالىقتى وسى مەرەيتويمەن شىن جٷرەكتەن قۇتتىقتاي كەلە: «تەۋەلسٸزدٸك – باعا جەتپەس قۇندىلىق! بۇل – نامىس پەن جاۋاپكەرشٸلٸك جەمٸسٸ. ەگەمەن ەلٸمٸزدٸڭ الداعى جولى باياندى, تابىستارى قوماقتى بولا بەرسٸن! ەلباسىمىز بەن ەلٸمٸز امان بولسىن!», - دەگەن تٸلەگٸن جەتكٸزدٸ.
.jpeg)