QR Ulttyq ekonomika ministri Rýslan Dálenov óńirlerdiń investitsiia tartý kórsetkishteri týraly aityp berdi, dep habarlaidy "Ult aqparat".
«Negizgi kapitalǵa 10,6 trln teńge somasynda investitsiia tartyldy. 13 óńirde investitsiialardyń óskeni baiqaldy. Onyń ishinde eń joǵary kórsetkishter Túrkistan (66,7%) oblysynda jáne Shymkent qalasynda (56,4%) baiqalyp otyr. 4 óńirde tómendeý tirkeldi. Olar – Batys Qazaqstan (-28,2%), Qyzylorda (-26,7%), Atyraý (-23,1%) jáne Qaraǵandy (-15,5%) oblystary», - dedi Rýslan Dálenov Úkimet otyrysynda.
Ministrdiń aitýynsha, ken óndirý ónerkásibin esepke almaǵanda, investitsiialar kólemi artyp jatyr. Olardyń ósýi 17,3%-ti qurady.
«10 aida syrtqy saýda ainalymy 70,5 mlrd dollardy qurady. Eksport 39,2 mlrd dollar, import – 31,3 mlrd dollar boldy. Osylaisha, 7,9 mlrd dollar deńgeiinde saýda teńgeriminiń oń saldosy saqtaldy», - dedi UEM basshysy.
