Katarlyq Lesha Bank "Báiterek" ulttyq holdingimen qazaqstandyq bankti yqtimal satyp alý týraly kelisimge otyrdy. Bul týraly "Ult aqparat" Stan.kz aqparat agenttigine silteme jasap habarlaidy.
Katar qor birjasynyń resmi saitynda katarlyq Lesha Bank investitsiialyq bankiniń 2024 jyldyń 14 aqpanynda qazaqstandyq bankti satyp alý týraly kelisimge otyrǵany habarlandy. Alaida qarjy institýtynyń naqty derekteri kórsetilmegen.
Investor banktiń barlyq jarǵylyq kapitalyna ie bolatyny belgili. Sondai-aq mámile taraptardyń bolashaqta jasalatyn túpkilikti kelisimsharttaryna bailanysty ekeni atap ótilgen.
Holdingtiń qorjynyna Bereke Bank, Otbasy bank jáne damý banki kiredi. Alaida habarlamada qai bankti satyp alyp jatqany aitylmaǵan.
Lesha Bank (burynǵy Qatar First Bank) – shariǵat qaǵidalaryna sáikes keletin Katardyń qarjy ortalyǵyn retteý basqarmasynan maquldaý alǵan alǵashqy táýelsiz bank.
Eske salaiyq, buǵan deiin "Qazaqtelekomǵa" tiesili Tele2 jáne Altel katarlyq investorlarǵa ótetini týraly habarlaǵan edik. "Power International holdingi elimizdegi Tele2 jáne Altel operatorlaryn satyp almaq.
