7-shi shaqyrylǵan Parlamenttiń 1-shi sessiiasyn ashqan QR Prezidenti Qasym-Jomart Toqaev jańa quramdaǵy Májilis depýtattaryna tabys tiledi, dep habarlaidy "Ult aqparat".
«Qurmetti depýtattar! Barshańyzdy sailaýdyń aiaqtalýymen quttyqtaimyn jáne jańa quramdaǵy Májilis depýtattaryna tabys tileimin. Ótken shaqyrylymnyń depýtattaryna oidaǵydai qyzmet atqarǵany úshin rizashylyǵymdy bildiremin», - dedi Memleket basshysy.
QR Prezidentiniń dereginshe, 5 jylǵa jýyq ýaqytta Parlament qabyrǵasynda 410 zań qabyldandy. Depýtattar ózderiniń zańǵa bastamashylyq etý quqyǵyn tolyq paidalanyp, 60-qa jýyq zań jobasyn daiyndady.
«Bul osyǵan deiingi 5-shi shaqyrylym depýtattarynyń bastamalaryn qosa alǵannan da kóp. Jańa depýtattar aldyńǵy áriptesteriniń osy qarqynyn saqtai otyryp, anaǵurlym qarqyndy jumys isteýi qajet. Sebebi bárimizdi zor mindetter men aýqymdy ister kútip otyr», - dedi Qasym-Jomart Toqaev.
