7-شٸ شاقىرىلعان پارلامەنتتٸڭ 1-شٸ سەسسيياسىن اشقان قر پرەزيدەنتٸ قاسىم-جومارت توقاەۆ جاڭا قۇرامداعى مەجٸلٸس دەپۋتاتتارىنا تابىس تٸلەدٸ, دەپ حابارلايدى "ۇلت اقپارات".
«قۇرمەتتٸ دەپۋتاتتار! بارشاڭىزدى سايلاۋدىڭ اياقتالۋىمەن قۇتتىقتايمىن جەنە جاڭا قۇرامداعى مەجٸلٸس دەپۋتاتتارىنا تابىس تٸلەيمٸن. ٶتكەن شاقىرىلىمنىڭ دەپۋتاتتارىنا ويداعىداي قىزمەت اتقارعانى ٷشٸن ريزاشىلىعىمدى بٸلدٸرەمٸن», - دەدٸ مەملەكەت باسشىسى.
قر پرەزيدەنتٸنٸڭ دەرەگٸنشە, 5 جىلعا جۋىق ۋاقىتتا پارلامەنت قابىرعاسىندا 410 زاڭ قابىلداندى. دەپۋتاتتار ٶزدەرٸنٸڭ زاڭعا باستاماشىلىق ەتۋ قۇقىعىن تولىق پايدالانىپ, 60-قا جۋىق زاڭ جوباسىن دايىندادى.
«بۇل وسىعان دەيٸنگٸ 5-شٸ شاقىرىلىم دەپۋتاتتارىنىڭ باستامالارىن قوسا العاننان دا كٶپ. جاڭا دەپۋتاتتار الدىڭعى ەرٸپتەستەرٸنٸڭ وسى قارقىنىن ساقتاي وتىرىپ, اناعۇرلىم قارقىندى جۇمىس ٸستەۋٸ قاجەت. سەبەبٸ بەرٸمٸزدٸ زور مٸندەتتەر مەن اۋقىمدى ٸستەر كٷتٸپ وتىر», - دەدٸ قاسىم-جومارت توقاەۆ.
