Qazaqstan Prezidenti Qasym-Jomart Toqaev Ońtústik Koreia Prezidenti Mýn Chje Inmen telefon arqyly sóilesti, dep habarlaidy "Ult aqparat" Aqordaǵa silteme jasap.
Memleketter basshylary Qazaqstan Respýblikasy men Koreia Respýblikasy arasyndaǵy strategiialyq seriktestiktiń qazirgi jaǵdaiy men ony nyǵaitýdyń perspektivalaryn talqylady.
Qasym-Jomart Toqaev pen Mýn Chje In Ońtústik Koreia basshysynyń 2019 jyly sáýirde elimizge jasaǵan memlekettik sapary aiasynda bekitilgen ýaǵdalastyqtardyń nátijesinde qol jetkizilgen tabysty ekonomikalyq yntymaqtastyqqa joǵary baǵa berdi.
Prezident Mýn Chje In Almaty qalasynda «Hyundai» jeńil avtokólikterin shyǵaratyn zaýyttyń ashylǵanyn erekshe atap ótti.
Memleket basshysy Qasym-Jomart Toqaev pandemiia saldaryna qaramastan taýar ainalymynyń joǵary qarqynyna kóńili tolatynyn bildirdi.
Eki el Prezidentteri halyqaralyq uiymdardyń, atap aitqanda Dúniejúzilik saýda uiymy men MAGATE aiasynda eki el yntymaqtastyǵynyń nyǵaia túskenin aitty.
Áńgimelesý barysynda koronavirýs pandemiiasyna qarsy kúrestegi tabysty yntymaqtastyq máseleleri de talqylandy.
Prezident Mýn Chje In Qasym-Jomart Toqaevty Koreia Respýblikasyna kelesi jyly saparmen kelýge shaqyrǵanyn naqtylady.
