قازاقستان پرەزيدەنتٸ قاسىم-جومارت توقاەۆ وڭتٷستٸك كورەيا پرەزيدەنتٸ مۋن چجە ينمەن تەلەفون ارقىلى سٶيلەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەتتەر باسشىلارى قازاقستان رەسپۋبليكاسى مەن كورەيا رەسپۋبليكاسى اراسىنداعى ستراتەگييالىق سەرٸكتەستٸكتٸڭ قازٸرگٸ جاعدايى مەن ونى نىعايتۋدىڭ پەرسپەكتيۆالارىن تالقىلادى.
قاسىم-جومارت توقاەۆ پەن مۋن چجە ين وڭتٷستٸك كورەيا باسشىسىنىڭ 2019 جىلى سەۋٸردە ەلٸمٸزگە جاساعان مەملەكەتتٸك ساپارى اياسىندا بەكٸتٸلگەن ۋاعدالاستىقتاردىڭ نەتيجەسٸندە قول جەتكٸزٸلگەن تابىستى ەكونوميكالىق ىنتىماقتاستىققا جوعارى باعا بەردٸ.
پرەزيدەنت مۋن چجە ين الماتى قالاسىندا «Hyundai» جەڭٸل اۆتوكٶلٸكتەرٸن شىعاراتىن زاۋىتتىڭ اشىلعانىن ەرەكشە اتاپ ٶتتٸ.
مەملەكەت باسشىسى قاسىم-جومارت توقاەۆ پاندەمييا سالدارىنا قاراماستان تاۋار اينالىمىنىڭ جوعارى قارقىنىنا كٶڭٸلٸ تولاتىنىن بٸلدٸردٸ.
ەكٸ ەل پرەزيدەنتتەرٸ حالىقارالىق ۇيىمداردىڭ, اتاپ ايتقاندا دٷنيەجٷزٸلٸك ساۋدا ۇيىمى مەن ماگاتە اياسىندا ەكٸ ەل ىنتىماقتاستىعىنىڭ نىعايا تٷسكەنٸن ايتتى.
ەڭگٸمەلەسۋ بارىسىندا كوروناۆيرۋس پاندەميياسىنا قارسى كٷرەستەگٸ تابىستى ىنتىماقتاستىق مەسەلەلەرٸ دە تالقىلاندى.
پرەزيدەنت مۋن چجە ين قاسىم-جومارت توقاەۆتى كورەيا رەسپۋبليكاسىنا كەلەسٸ جىلى ساپارمەن كەلۋگە شاقىرعانىن ناقتىلادى.
