Sýret: Aqorda
Prezident Astana qalasyndaǵy «Atameken» etno-memorial kesheninde ótken Memlekettik tý kóterý rásimine qatysty. Qurmet qaraýyly rotasynyń bastyǵy saltanatty sharaǵa daiyndyǵy jóninde Memleket basshysyna raport berdi. Sodan keiin elimizdiń ánurany shyrqalyp, kók bairaǵymyz kóterildi.
Qasym-Jomart Toqaev jinalǵan jurtshylyqty Memlekettik rámizder kúnimen quttyqtap, bul eldigimizdi nyǵaita túsetin mereili mereke ekenine nazar aýdardy.
"Osy merekege orai biz jańa ǵana elimizdiń bas bairaǵyn kóterdik. Kók týymyz árdaiym biikte jelbirei bersin! Týymyzdy tik ustaý – ár azamattyń perzenttik paryzy. Aspan tústes kók bairaǵymyz – bizdiń maqtanyshymyz. Sportshylarymyz týymyzdy talai ret jeńis tuǵyryna kóterdi. Jaqynda qazaqtyń qaisar qyzdary Everestke shyqty. Týymyz álemniń eń biik shyńynda taǵy da jelbiredi. Alda Olimpiada oiyndary kele jatyr. Namysty órenderimiz Parij tórinde týymyzdy tik ustaidy dep senemin", – dedi Prezident.
Memleket basshysy bairaǵymyz aspandaǵan saiyn ult mereii asqaq bolatynyn aityp, týdy táýelsizdigimizdiń tumary ári yntymaǵymyzdyń bastaýy dep atady.
