سۋرەت: اقوردا
پرەزيدەنت استانا قالاسىنداعى «اتامەكەن» ەتنو-مەموريال كەشەنٸندە ٶتكەن مەملەكەتتٸك تۋ كٶتەرۋ رەسٸمٸنە قاتىستى. قۇرمەت قاراۋىلى روتاسىنىڭ باستىعى سالتاناتتى شاراعا دايىندىعى جٶنٸندە مەملەكەت باسشىسىنا راپورت بەردٸ. سودان كەيٸن ەلٸمٸزدٸڭ ەنۇرانى شىرقالىپ, كٶك بايراعىمىز كٶتەرٸلدٸ.
قاسىم-جومارت توقاەۆ جينالعان جۇرتشىلىقتى مەملەكەتتٸك رەمٸزدەر كٷنٸمەن قۇتتىقتاپ, بۇل ەلدٸگٸمٸزدٸ نىعايتا تٷسەتٸن مەرەيلٸ مەرەكە ەكەنٸنە نازار اۋداردى.
"وسى مەرەكەگە وراي بٸز جاڭا عانا ەلٸمٸزدٸڭ باس بايراعىن كٶتەردٸك. كٶك تۋىمىز ەردايىم بيٸكتە جەلبٸرەي بەرسٸن! تۋىمىزدى تٸك ۇستاۋ – ەر ازاماتتىڭ پەرزەنتتٸك پارىزى. اسپان تٷستەس كٶك بايراعىمىز – بٸزدٸڭ ماقتانىشىمىز. سپورتشىلارىمىز تۋىمىزدى تالاي رەت جەڭٸس تۇعىرىنا كٶتەردٸ. جاقىندا قازاقتىڭ قايسار قىزدارى ەۆەرەستكە شىقتى. تۋىمىز ەلەمنٸڭ ەڭ بيٸك شىڭىندا تاعى دا جەلبٸرەدٸ. الدا وليمپيادا ويىندارى كەلە جاتىر. نامىستى ٶرەندەرٸمٸز پاريج تٶرٸندە تۋىمىزدى تٸك ۇستايدى دەپ سەنەمٸن", – دەدٸ پرەزيدەنت.
مەملەكەت باسشىسى بايراعىمىز اسپانداعان سايىن ۇلت مەرەيٸ اسقاق بولاتىنىن ايتىپ, تۋدى تەۋەلسٸزدٸگٸمٸزدٸڭ تۇمارى ەرٸ ىنتىماعىمىزدىڭ باستاۋى دەپ اتادى.
