«Qasym han» kinojobasynyń 29,9 mln teńgesin jymqyrǵandar sottaldy, dep habarlaidy QR QM Qarjy monitringi komiteti.
«Almaty qalasynyń Ekonomikalyq tergeý departamenti «Qazaqfilm» AQ «Qasym han» kinojobasy» filialynyń direktory K.S.Ahmetovqa jáne basqa da adamdarǵa qatysty sotqa deiingi tergeý amaldaryn aiaqtady. Olar paidakúnemdik maqsatta qyzmetin paidalanyp, aldyn ala sóz bailasyp, iri kólemde bótenniń múlkin jymqyrǵan», - delingen habarlamada.
Tergeý barysynda atalǵan adamdar biýdjetten 29,9 mln teńge aqshany jymqyrǵany anyqtalǵan. Ol soma tarihi serialdy túsirý kezinde pirotehnikany satyp alýǵa jumsalýy kerek bolǵan.
Sotqa deiingi tergep-tekserý barysynda kúdiktiler «Qazaqfilm» AQ-qa keltirilgen shyǵyndy tolyǵymen ótedi. Sot úkimimen iri kólemde aqsha jymqyrǵany úshin «Qazaqfilm» AQ «Qasym han» kinojobasy» filialynyń burynǵy direktory 2 jylǵa bas bostandyǵynan aiyryldy. Al onyń eki sybailasynyń bas bostandyǵy 3 jylǵa deiin shekteldi. Bul iske qatysty osy eki adam probatsiialyq baqylaýǵa ilinip, 100 saǵattyq májbúrli eńbekti óteýge mindetteldi.
Eske sala ketsek, «Qazaqfilm» kinostýdiiasy Qasym han týraly jańa tarihi filmniń túsire bastaityny byltyr qazan aiynda habarlanǵan edi. Rejisser Aqan Sataev bastaǵan shyǵarmashylyq top filmdi túsirý jumystaryn 2021 jyldyń jeltoqsanynda aiaqtaýdy josparlap otyr.
