«قاسىم حان» كينوجوباسىنىڭ 29,9 ملن تەڭگەسٸن جىمقىرعاندار سوتتالدى, دەپ حابارلايدى قر قم قارجى مونيترينگٸ كوميتەتٸ.
«الماتى قالاسىنىڭ ەكونوميكالىق تەرگەۋ دەپارتامەنتٸ «قازاقفيلم» اق «قاسىم حان» كينوجوباسى» فيليالىنىڭ ديرەكتورى ك.س.احمەتوۆقا جەنە باسقا دا ادامدارعا قاتىستى سوتقا دەيٸنگٸ تەرگەۋ امالدارىن اياقتادى. ولار پايداكٷنەمدٸك ماقساتتا قىزمەتٸن پايدالانىپ, الدىن الا سٶز بايلاسىپ, ٸرٸ كٶلەمدە بٶتەننٸڭ مٷلكٸن جىمقىرعان», - دەلٸنگەن حابارلامادا.
تەرگەۋ بارىسىندا اتالعان ادامدار بيۋدجەتتەن 29,9 ملن تەڭگە اقشانى جىمقىرعانى انىقتالعان. ول سوما تاريحي سەريالدى تٷسٸرۋ كەزٸندە پيروتەحنيكانى ساتىپ الۋعا جۇمسالۋى كەرەك بولعان.
سوتقا دەيٸنگٸ تەرگەپ-تەكسەرۋ بارىسىندا كٷدٸكتٸلەر «قازاقفيلم» اق-قا كەلتٸرٸلگەن شىعىندى تولىعىمەن ٶتەدٸ. سوت ٷكٸمٸمەن ٸرٸ كٶلەمدە اقشا جىمقىرعانى ٷشٸن «قازاقفيلم» اق «قاسىم حان» كينوجوباسى» فيليالىنىڭ بۇرىنعى ديرەكتورى 2 جىلعا باس بوستاندىعىنان ايىرىلدى. ال ونىڭ ەكٸ سىبايلاسىنىڭ باس بوستاندىعى 3 جىلعا دەيٸن شەكتەلدٸ. بۇل ٸسكە قاتىستى وسى ەكٸ ادام پروباتسييالىق باقىلاۋعا ٸلٸنٸپ, 100 ساعاتتىق مەجبٷرلٸ ەڭبەكتٸ ٶتەۋگە مٸندەتتەلدٸ.
ەسكە سالا كەتسەك, «قازاقفيلم» كينوستۋديياسى قاسىم حان تۋرالى جاڭا تاريحي فيلمنٸڭ تٷسٸرە باستايتىنى بىلتىر قازان ايىندا حابارلانعان ەدٸ. رەجيسسەر اقان ساتاەۆ باستاعان شىعارماشىلىق توپ فيلمدٸ تٷسٸرۋ جۇمىستارىن 2021 جىلدىڭ جەلتوقسانىندا اياقتاۋدى جوسپارلاپ وتىر.
