Foto: inform.kz
Kaspii qubyr konsortsiýmy (KQK) 14 sáýirde 72 saǵattyq josparly jóndeýden keiin munai aidaýdy qaita bastady.
Osy kezeńde ártúrli munai qubyry júielerine, munai aidaý stantsiialaryna jáne Teńiz terminalyna tehnikalyq qyzmet kórsetý boiynsha josparly jóndeý jumystary júrgizildi, dep habarlady KQK baspasóz qyzmeti.
"Qazaqstanda munai aidaýdy toqtatý kezeńinde "Teńiz" munai aidaý stantsiiasynda órt jáne gazdy anyqtaý júiesin jańǵyrtý boiynsha birqatar jumys, sondai-aq "Atyraý" munai aidaý stantsiiasynda elektrmen jabdyqtaý júiesin jańǵyrtýǵa qatysty jumystar júrgizildi.
Jabdyqqa tehnikalyq qyzmet kórsetý, jóndeý jumystaryn júrgizý úshin munai aidaýdy jylyna birneshe ret toqtatý josparlanǵan.
Kaspii qubyr konsortsiýmy qaýipsizdik máselesine bailanysty jáne qylmysty boldyrmaý maqsatynda munai qubyrynyń jumysy toqtatylatyny týraly qoǵam men sarapshylar qaýymyn aldyn ala habardar etpeidi", delingen habarlamada.
Aita keteri, KQK qubyry Qazaqstannyń batysyndaǵy munai ken oryndaryn jáne Kaspii qairańyndaǵy Resei ken oryndaryn Novorossiiskidegi teńiz terminalymen bailanystyrady. Onyń uzyndyǵy – 1 511 shaqyrym.
Júie qazaqstandyq munaidyń negizgi eksporttyq baǵyty bolyp sanalady.
