فوتو: inform.kz
كاسپيي قۇبىر كونسورتسيۋمى (كقك) 14 سەۋٸردە 72 ساعاتتىق جوسپارلى جٶندەۋدەن كەيٸن مۇناي ايداۋدى قايتا باستادى.
وسى كەزەڭدە ەرتٷرلٸ مۇناي قۇبىرى جٷيەلەرٸنە, مۇناي ايداۋ ستانتسييالارىنا جەنە تەڭٸز تەرمينالىنا تەحنيكالىق قىزمەت كٶرسەتۋ بويىنشا جوسپارلى جٶندەۋ جۇمىستارى جٷرگٸزٸلدٸ, دەپ حابارلادى كقك باسپاسٶز قىزمەتٸ.
"قازاقستاندا مۇناي ايداۋدى توقتاتۋ كەزەڭٸندە "تەڭٸز" مۇناي ايداۋ ستانتسيياسىندا ٶرت جەنە گازدى انىقتاۋ جٷيەسٸن جاڭعىرتۋ بويىنشا بٸرقاتار جۇمىس, سونداي-اق "اتىراۋ" مۇناي ايداۋ ستانتسيياسىندا ەلەكترمەن جابدىقتاۋ جٷيەسٸن جاڭعىرتۋعا قاتىستى جۇمىستار جٷرگٸزٸلدٸ.
جابدىققا تەحنيكالىق قىزمەت كٶرسەتۋ, جٶندەۋ جۇمىستارىن جٷرگٸزۋ ٷشٸن مۇناي ايداۋدى جىلىنا بٸرنەشە رەت توقتاتۋ جوسپارلانعان.
كاسپيي قۇبىر كونسورتسيۋمى قاۋٸپسٸزدٸك مەسەلەسٸنە بايلانىستى جەنە قىلمىستى بولدىرماۋ ماقساتىندا مۇناي قۇبىرىنىڭ جۇمىسى توقتاتىلاتىنى تۋرالى قوعام مەن ساراپشىلار قاۋىمىن الدىن الا حاباردار ەتپەيدٸ", دەلٸنگەن حابارلامادا.
ايتا كەتەرٸ, كقك قۇبىرى قازاقستاننىڭ باتىسىنداعى مۇناي كەن ورىندارىن جەنە كاسپيي قايراڭىنداعى رەسەي كەن ورىندارىن نوۆوروسسييسكٸدەگٸ تەڭٸز تەرمينالىمەن بايلانىستىرادى. ونىڭ ۇزىندىعى – 1 511 شاقىرىم.
جٷيە قازاقستاندىق مۇنايدىڭ نەگٸزگٸ ەكسپورتتىق باعىتى بولىپ سانالادى.
