Kaspii qubyr konsortsiýmy arqyly rekordtyq munai tieldi

- 2016 jylǵy qarasha aiynyń qorytyndysy boiynsha Kaspii qubyr konsortsiýmynyń Teńiz terminalynda 4 438 701 tonna (35 151 943 barrel) munai tieldi. 

Bul Teńiz-Novorossiisk munai tasymaldaý júiesin paidalaný bastalǵan ýaqyttan bergi rekordtyq ailyq kólem, dep habarlaidy Ult.kz tilshisi QazAqparat agenttigine silteme jasap.

Konsortsiým aqparatyna qaraǵanda, buǵan deiingi rekord 2016 jylǵy naýryz aiynda belgilengen. Ol kezde bir aida tankerlerge 4 210 000 tonna munai tielgen.

Konsortsiýmnyń búkil tarihy kezinde Teńiz terminalynda 4,3 myńnan astam tanker tielip, olar arqyly 460 mln. tonnadan astam munai tasymaldandy. Onyń ishinde qazaqstandyq óndirýshilerdiń úlesine 398 mln. tonnaǵa jýyq munai tiesili bolsa, qalǵany  reseilik ónim.

Esterińizge sala keteiik, 2015 jyly KQK Teńiz terminaly halyqaralyq Oil Terminal 2015 konkýrsynyń jeńimpazy atandy. KQK atalǵan konkýrsta jalpy tórt ret marapattalǵan. Buǵan deiin ol «Úzdik tehnologiialyq jabdyqtalý», «Senimdi seriktes» jáne «Turaqtylyq» atalymdary boiynsha «Munai terminaly» halyqaralyq syilyǵynyń laýreaty atanǵan.