كاسپيي قۇبىر كونسورتسيۋمى ارقىلى رەكوردتىق مۇناي تيەلدٸ

- 2016 جىلعى قاراشا ايىنىڭ قورىتىندىسى بويىنشا كاسپيي قۇبىر كونسورتسيۋمىنىڭ تەڭٸز تەرمينالىندا 4 438 701 توننا (35 151 943 باررەل) مۇناي تيەلدٸ. 

بۇل تەڭٸز-نوۆوروسسييسك مۇناي تاسىمالداۋ جٷيەسٸن پايدالانۋ باستالعان ۋاقىتتان بەرگٸ رەكوردتىق ايلىق كٶلەم, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.

كونسورتسيۋم اقپاراتىنا قاراعاندا, بۇعان دەيٸنگٸ رەكورد 2016 جىلعى ناۋرىز ايىندا بەلگٸلەنگەن. ول كەزدە بٸر ايدا تانكەرلەرگە 4 210 000 توننا مۇناي تيەلگەن.

كونسورتسيۋمنىڭ بٷكٸل تاريحى كەزٸندە تەڭٸز تەرمينالىندا 4,3 مىڭنان استام تانكەر تيەلٸپ, ولار ارقىلى 460 ملن. توننادان استام مۇناي تاسىمالداندى. ونىڭ ٸشٸندە قازاقستاندىق ٶندٸرۋشٸلەردٸڭ ٷلەسٸنە 398 ملن. تونناعا جۋىق مۇناي تيەسٸلٸ بولسا, قالعانى  رەسەيلٸك ٶنٸم.

ەستەرٸڭٸزگە سالا كەتەيٸك, 2015 جىلى كقك تەڭٸز تەرمينالى حالىقارالىق Oil Terminal 2015 كونكۋرسىنىڭ جەڭٸمپازى اتاندى. كقك اتالعان كونكۋرستا جالپى تٶرت رەت ماراپاتتالعان. بۇعان دەيٸن ول «ٷزدٸك تەحنولوگييالىق جابدىقتالۋ», «سەنٸمدٸ سەرٸكتەس» جەنە «تۇراقتىلىق» اتالىمدارى بويىنشا «مۇناي تەرمينالى» حالىقارالىق سىيلىعىنىڭ لاۋرەاتى اتانعان.