Kaspii teńizindegi áskeri oqý-jattyǵý kezinde 14 áskeri qyzmetshiniń qaza bolýyna bailanysty ustalǵan Qazaqstan Áskeri-teńiz kúshteri bas qolbasshysynyń birinshi orynbasary Daniiar Hairýshevtiń qyzy áleýmettik jeli arqyly málimdeme jasady, dep habarlaidy ult.kz.
Ol qaza tapqan áskeri qyzmetshilerdiń jaqyndaryna kóńil aityp, qaiǵyly jaǵdaiǵa bailanysty keshirim surady. Sonymen qatar tergeý aiaqtalmai turyp naqty bir adamdy kináli dep tanýǵa asyqpaýǵa shaqyrdy.
Hairýshevtiń qyzy Threads jelisindegi paraqshasynda ákesiniń qazirgi ýaqytta qamaýda otyrǵanyn jazǵan.
«Men muny uzaq ýaqyt jazýǵa batylym barmady. Biraq qazir áleýmettik jeli qoldanýshysy retinde emes, qyzy retinde jazyp otyrmyn. Men Aqtaýdaǵy áskeri oqý-jattyǵý kezinde bolǵan qaiǵyly oqiǵadan keiin ustalǵan áskeri qyzmetshiniń qyzymyn», – dep jazdy ol.
Onyń sózinshe, eń aldymen qaza tapqan áskeri qyzmetshilerdiń otbasylaryna kóńil aitý mańyzdy.
«Qaiǵyńyzǵa ortaqpyn. Sizderdiń bastaryńyzǵa túsken jaǵdai úshin keshirim suraimyn. Eshbir sóz sizderdiń qaiǵylaryńyzdy jeńildete almaidy», – dedi ol.
Sonymen birge ol tergeý nátijesi shyqpai turyp, ákesin oqiǵaǵa tolyq kináli retinde kórsetpeýdi surady.
«Ákemdi “qurbandyqqa” shalmańyzdar. Tergeý aiaqtalǵansha asyǵys qorytyndy jasamaýǵa shaqyramyn», – dedi ol.
Buǵan deiin Kaspii teńizindegi áskeri oqý-jattyǵý kezinde 14 áskeri qyzmetshi qaza tapqany habarlanǵan bolatyn. Osy oqiǵaǵa bailanysty birqatar áskeri laýazymdy tulǵa ustalyp, tergeý júrip jatyr.
https://www.threads.com/share/BAWHuEzwbz/
Toqaev Qorǵanys ministrligin tekseretin komissiia qurdy
Qazaqstan Prezidenti Qasym-Jomart Toqaev Qorǵanys ministrligindegi isterdiń jai-kúiin keshendi tekserý jónindegi komissiia qurý týraly ókimge qol qoidy.
Komissiia Qorǵanys ministrliginiń jumysyn, sonyń ishinde áskeri qurylymdardyń qarjylyq jáne materialdyq-tehnikalyq qamtamasyz etilýin tekseredi.
Komissiia quramyna 9 laýazymdy tulǵa kirdi. Oǵan Qazaqstan Respýblikasy Qaýipsizdik Keńesi Tóraǵasynyń orynbasary Aida Balaeva jetekshilik etedi.
Komissiia tóraǵasynyń orynbasary bolyp Joǵary aýditorlyq palatanyń tóraǵasy Álihan Smaiylov taǵaiyndaldy.
Komissiia quramynda:
Prezident Ákimshiligi Basshysynyń orynbasary Erjan Jienbaev;
Qarjylyq monitoring agenttiginiń tóraǵasy Janat Elimanov;
Qaýipsizdik Keńesi Apparatynyń basshysy Murat Baimuqashev;
Qarjy ministri Mádi Tákiev;
Bas prokýrordyń birinshi orynbasary Jandos Ómiráliev;
UQK tóraǵasynyń birinshi orynbasary Áli Altynbaev;
Ulttyq ekonomika birinshi vitse-ministri Azamat Ámrin bar.
Komissiianyń qorytyndysy boiynsha Qorǵanys ministrligindegi jaǵdaiǵa qatysty tiisti sheshimder qabyldanýy múmkin.
