Kaspii teńizindegi áskeri oqý-jattyǵý kezinde qaza bolǵan aǵa leitenant Oljas Muhtarulynyń ata-anasymen qaýyshqan sáti túsirilgen arhivtik video áleýmettik jelide tarady, dep habarlaidy ult.kz.
Kadrlarda jas ofitserdiń týǵan-týystarymen kezdesip, ata-anasymen qaýyshqan sáti beinelengen. Oljas Muhtaruly Túrkistan qalasynyń týmasy bolǵan.
Eske salaiyq, Oljas Muhtaruly 24 qyrkúiekte Mańǵystaý oblysynda ótken oqý-jattyǵý kezinde qaza tapqan 14 áskeri qyzmetshiniń biri boldy. Oqiǵa kezinde aýa raiy kúrt nasharlap, áskeri qyzmetshilerdi teńizge tolqyn alyp ketken.
25 qyrkúiekte marqumnyń denesi arnaiy ushaqpen Túrkistanǵa jetkizildi. Búgin áskeri qyzmetshimen qoshtasý rásimi ótip, janaza namazy oqylyp, Oljas Muhtaruly týǵan jerinde jerlendi.
Aita keteiik, Mańǵystaýda qaza tapqan 14 sarbazdyń ishinde Madihan Azamat ta bar.
Onyń týystary áleýmettik jelide taraǵan shaqyrtý qaǵazy men II foto, videolardy óshirýdi talap etti. Eger málimdeme nazarǵa ilinbese, kináliler zań aldynda jaýap bermek.
«Toiǵa shaqyrý biletin, II arqyly jasalǵan ártúrli videolardy jáne Azamat Bolatbekulynyń foto, videolaryn jariialaǵan azamattardan olardy óshirýdi talap etemiz. 1-2 kúnniń ishinde óshirmeseńizder, zań aiasynda áreket etemiz. Mádihan Azamat Bolatbekulynyń otbasynan», - dep jazdy marqumnyń týystary.
