Kásipkerlerge bankterdiń mobildik qosymshalary arqyly tutynýshylardan túsetin aqsha aýdarymdaryn fiskalizatsiialaý máselesine erekshe nazar aýdarýy qajet. Bul týraly búgin Úkimet otyrysynda QR Premer Ministriniń birinshi orynbasary Álihan Smaiylov aitty, dep habarlaidy QazAqparat.
«Byltyr qiyn ekonomikalyq jaǵdaiǵa qaramastan, memlekettik biýdjettiń kiristeri aldyńǵy jyldyń deńgeide saqtaldy. Respýblikalyq biýdjetke túsetin túsimder tómendedi. Biraq ol jergilikti biýdjetke túsetin túsimder arqyly tolyqtyryldy. Nátijesinde memlekettik biýdjet 65 mlrd teńgege asyra oryndaldy. Biýdjettiń kirister bóligin arttyrý – basym mindetterdiń biri. Oǵan, osy baǵyttaǵy tsifrlandyrýdyń barlyq áleýetin qoldaný mańyzdy. Bul rette, «kóleńkeli» ekonomikanyń deńgeiin tómendetý, tabystardy arttyrýda basty ról atqarady», - dedi ol.
Onyń aitýynsha, osy baǵytta Taýarlardy qadaǵalaýdyń ulttyq júiesi quryldy. Sondai-aq Táýkelderdi basqarý júiesi, Elektrondyq shot-faktýralar, «Astana-1» aqparattyq júieler engizildi.
«Sońǵy 3 jyldyń ishinde joǵaryda kórsetilgen sharalar biýdjetke qosymsha 2 trln teńgeden astam túsimderdi qamtamasyz etýge múmkindik berdi. Osyǵan bailanysty, bul baǵyttaǵy jumysty kúsheitý kerek. Sonymen birge, Qarjy ministrligi kásipkerlerge bankterdiń mobildik qosymshalary arqyly tutynýshylardan túsetin aqsha aýdarymdaryn fiskalizatsiialaý máselesine erekshe nazar aýdarýy qajet. Jalpy, barlyq múddeli memlekettik organdar osy baǵyttaǵy úilestirilgen jumystardy jalǵastyrýy tiis», - dedi Álihan Smaiylov.
