كەسٸپكەرلەرگە بانكتەردٸڭ موبيلدٸك قوسىمشالارى ارقىلى تۇتىنۋشىلاردان تٷسەتٸن اقشا اۋدارىمدارىن فيسكاليزاتسييالاۋ مەسەلەسٸنە ەرەكشە نازار اۋدارۋى قاجەت. بۇل تۋرالى بٷگٸن ٷكٸمەت وتىرىسىندا قر پرەمەر مينيسترٸنٸڭ بٸرٸنشٸ ورىنباسارى ەليحان سمايىلوۆ ايتتى, دەپ حابارلايدى قازاقپارات.
«بىلتىر قيىن ەكونوميكالىق جاعدايعا قاراماستان, مەملەكەتتٸك بيۋدجەتتٸڭ كٸرٸستەرٸ الدىڭعى جىلدىڭ دەڭگەيدە ساقتالدى. رەسپۋبليكالىق بيۋدجەتكە تٷسەتٸن تٷسٸمدەر تٶمەندەدٸ. بٸراق ول جەرگٸلٸكتٸ بيۋدجەتكە تٷسەتٸن تٷسٸمدەر ارقىلى تولىقتىرىلدى. نەتيجەسٸندە مەملەكەتتٸك بيۋدجەت 65 ملرد تەڭگەگە اسىرا ورىندالدى. بيۋدجەتتٸڭ كٸرٸستەر بٶلٸگٸن ارتتىرۋ – باسىم مٸندەتتەردٸڭ بٸرٸ. وعان, وسى باعىتتاعى تسيفرلاندىرۋدىڭ بارلىق ەلەۋەتٸن قولدانۋ ماڭىزدى. بۇل رەتتە, «كٶلەڭكەلٸ» ەكونوميكانىڭ دەڭگەيٸن تٶمەندەتۋ, تابىستاردى ارتتىرۋدا باستى رٶل اتقارادى», - دەدٸ ول.
ونىڭ ايتۋىنشا, وسى باعىتتا تاۋارلاردى قاداعالاۋدىڭ ۇلتتىق جٷيەسٸ قۇرىلدى. سونداي-اق تەۋكەلدەردٸ باسقارۋ جٷيەسٸ, ەلەكتروندىق شوت-فاكتۋرالار, «استانا-1» اقپاراتتىق جٷيەلەر ەنگٸزٸلدٸ.
«سوڭعى 3 جىلدىڭ ٸشٸندە جوعارىدا كٶرسەتٸلگەن شارالار بيۋدجەتكە قوسىمشا 2 ترلن تەڭگەدەن استام تٷسٸمدەردٸ قامتاماسىز ەتۋگە مٷمكٸندٸك بەردٸ. وسىعان بايلانىستى, بۇل باعىتتاعى جۇمىستى كٷشەيتۋ كەرەك. سونىمەن بٸرگە, قارجى مينيسترلٸگٸ كەسٸپكەرلەرگە بانكتەردٸڭ موبيلدٸك قوسىمشالارى ارقىلى تۇتىنۋشىلاردان تٷسەتٸن اقشا اۋدارىمدارىن فيسكاليزاتسييالاۋ مەسەلەسٸنە ەرەكشە نازار اۋدارۋى قاجەت. جالپى, بارلىق مٷددەلٸ مەملەكەتتٸك ورگاندار وسى باعىتتاعى ٷيلەستٸرٸلگەن جۇمىستاردى جالعاستىرۋى تيٸس», - دەدٸ ەليحان سمايىلوۆ.
