foto: qurban.muftyat.kz saitynan skrinshot
Qazaqstan musylmandary dini basqarmasy Qurban aitqa orai onlain qurban shalý qyzmetin iske qosty. Endi qurbandyq malyn qashyqtan tańdap, rásimdeýge bolady, dep habarlaidy Ult.kz.
Múftiiattyń málimetinshe, biyl qurban shalý oflain jáne onlain formatta qatar júzege asady. Onlain qyzmet qurban.muftyat.kz saity arqyly qoljetimdi.
Sait arqyly paidalanýshylar qurbandyq malyn tańdap, tólemdi Kaspi QR arqyly jasai alady. Qoi men eshkini bir adam shala alady, al iri qara men túieni 1 nemese 7 adam birigip qurbandyqqa shalýyna múmkindik bar.
Tapsyrys sátti rásimdelgen jaǵdaida ótinim berýshiniń telefonyna SMS habarlama jiberiledi. Sonymen qatar, qurbandyq shalynǵannan keiin foto jáne beine esep te usynylady.
Saittaǵy málimetke sáikes, bir qoidyń baǵasy — 125 myń teńge, al iri qara — 875 myń teńge. Iri qarany jeti adam birigip shala alady.
Onlain qyzmet tek qurban shalýǵa emes, qurban etin alýǵa da ótinim berýge múmkindik beredi. Ol úshin saittaǵy «Qurban etin alý» bóliminde IIN, aty-jóni, telefon nómiri jáne turǵylyqty mekenjai engiziledi. Sondai-aq áleýmettik jaǵdaiy men rastaityn qujat júkteý qajet.
Ótinim berýshi keiin óz ótinishiniń mártebesin telefon arqyly teksere alady nemese esepti avtomatty túrde alý optsiiasyn qosa belgilei alady.
Aita keteiik, onlain qurban shalý júiesi Qazaqstanda alǵash ret pandemiia kezinde engizilip, 2020 jyldan beri qoldanylyp keledi. Biyl bul qyzmet jańartylǵan platforma arqyly usynylyp otyr.
