فوتو: qurban.muftyat.kz سايتىنان سكرينشوت
قازاقستان مۇسىلماندارى دٸني باسقارماسى قۇربان ايتقا وراي ونلاين قۇربان شالۋ قىزمەتٸن ٸسكە قوستى. ەندٸ قۇرباندىق مالىن قاشىقتان تاڭداپ, رەسٸمدەۋگە بولادى, دەپ حابارلايدى Ult.kz.
مٷفتيياتتىڭ مەلٸمەتٸنشە, بيىل قۇربان شالۋ وفلاين جەنە ونلاين فورماتتا قاتار جٷزەگە اسادى. ونلاين قىزمەت qurban.muftyat.kz سايتى ارقىلى قولجەتٸمدٸ.
سايت ارقىلى پايدالانۋشىلار قۇرباندىق مالىن تاڭداپ, تٶلەمدٸ Kaspi QR ارقىلى جاساي الادى. قوي مەن ەشكٸنٸ بٸر ادام شالا الادى, ال ٸرٸ قارا مەن تٷيەنٸ 1 نەمەسە 7 ادام بٸرٸگٸپ قۇرباندىققا شالۋىنا مٷمكٸندٸك بار.
تاپسىرىس سەتتٸ رەسٸمدەلگەن جاعدايدا ٶتٸنٸم بەرۋشٸنٸڭ تەلەفونىنا SMS حابارلاما جٸبەرٸلەدٸ. سونىمەن قاتار, قۇرباندىق شالىنعاننان كەيٸن فوتو جەنە بەينە ەسەپ تە ۇسىنىلادى.
سايتتاعى مەلٸمەتكە سەيكەس, بٸر قويدىڭ باعاسى — 125 مىڭ تەڭگە, ال ٸرٸ قارا — 875 مىڭ تەڭگە. ٸرٸ قارانى جەتٸ ادام بٸرٸگٸپ شالا الادى.
ونلاين قىزمەت تەك قۇربان شالۋعا ەمەس, قۇربان ەتٸن الۋعا دا ٶتٸنٸم بەرۋگە مٷمكٸندٸك بەرەدٸ. ول ٷشٸن سايتتاعى «قۇربان ەتٸن الۋ» بٶلٸمٸندە يين, اتى-جٶنٸ, تەلەفون نٶمٸرٸ جەنە تۇرعىلىقتى مەكەنجاي ەنگٸزٸلەدٸ. سونداي-اق ەلەۋمەتتٸك جاعدايى مەن راستايتىن قۇجات جٷكتەۋ قاجەت.
ٶتٸنٸم بەرۋشٸ كەيٸن ٶز ٶتٸنٸشٸنٸڭ مەرتەبەسٸن تەلەفون ارقىلى تەكسەرە الادى نەمەسە ەسەپتٸ اۆتوماتتى تٷردە الۋ وپتسيياسىن قوسا بەلگٸلەي الادى.
ايتا كەتەيٸك, ونلاين قۇربان شالۋ جٷيەسٸ قازاقستاندا العاش رەت پاندەمييا كەزٸندە ەنگٸزٸلٸپ, 2020 جىلدان بەرٸ قولدانىلىپ كەلەدٸ. بيىل بۇل قىزمەت جاڭارتىلعان پلاتفورما ارقىلى ۇسىنىلىپ وتىر.
