Pákistandaǵy kóshkin saldarynan keminde 77 adam qaza taýyp, 94 adam jaraqat aldy, dep habarlaidy "Ult aqparat" CNN-ge silteme jasap.
Jergilikti bilik ókilderiniń aitýynsha, kóshkinniń paida bolýyna Pákistannyń Kashmirindegi Nilým alqabynda qalyń qar jaýýy áser etken. Bilik ókilderine sensek, qaza tapqandardyń sany áli de artýy múmkin.
Pákistannyń premer ministri Imran Han tótenshe jaǵdailar agenttiginen, áskeriler men federaldy ministrlikterden zardap shekken turǵyndarǵa gýmanitarlyq kómek kórsetýdi suraǵanyn málimdedi.
Aita ketý kerek, biyl Pákistanda sońǵy jiyrma jyldaǵy eń qatty qys tústi. Kashmirde jaýǵan qar joldardy jaýyp, bailanys qyzmeti úzildi, sonymen qatar elektr energiiasyn berý qyzmeti de nasharlady.
Eske sala keteiik, biz buǵan deiin Kashmirde sońǵy úsh kúndegi tas pen topyraq kóshkininen 62 adam qaza taýyp, kóp adam iz-túzsiz ketkenin jazǵan edik.
