پەكٸستانداعى كٶشكٸن سالدارىنان كەمٸندە 77 ادام قازا تاۋىپ, 94 ادام جاراقات الدى, دەپ حابارلايدى "ۇلت اقپارات" CNN-گە سٸلتەمە جاساپ.
جەرگٸلٸكتٸ بيلٸك ٶكٸلدەرٸنٸڭ ايتۋىنشا, كٶشكٸننٸڭ پايدا بولۋىنا پەكٸستاننىڭ كاشميرٸندەگٸ نيلۋم القابىندا قالىڭ قار جاۋۋى ەسەر ەتكەن. بيلٸك ٶكٸلدەرٸنە سەنسەك, قازا تاپقانداردىڭ سانى ەلٸ دە ارتۋى مٷمكٸن.
پەكٸستاننىڭ پرەمەر مينيسترٸ يمران حان تٶتەنشە جاعدايلار اگەنتتٸگٸنەن, ەسكەريلەر مەن فەدەرالدى مينيسترلٸكتەردەن زارداپ شەككەن تۇرعىندارعا گۋمانيتارلىق كٶمەك كٶرسەتۋدٸ سۇراعانىن مەلٸمدەدٸ.
ايتا كەتۋ كەرەك, بيىل پەكٸستاندا سوڭعى جيىرما جىلداعى ەڭ قاتتى قىس تٷستٸ. كاشميردە جاۋعان قار جولداردى جاۋىپ, بايلانىس قىزمەتٸ ٷزٸلدٸ, سونىمەن قاتار ەلەكتر ەنەرگيياسىن بەرۋ قىزمەتٸ دە ناشارلادى.
ەسكە سالا كەتەيٸك, بٸز بۇعان دەيٸن كاشميردە سوڭعى ٷش كٷندەگٸ تاس پەن توپىراق كٶشكٸنٸنەن 62 ادام قازا تاۋىپ, كٶپ ادام ٸز-تٷزسٸز كەتكەنٸن جازعان ەدٸك.
