Foto: financialtribune.com
Inpex NorthCaspian Sea Ltd kompaniiasy Qashaǵannan synaqtan ótkizilgen 7 myń tonna qazaqstandyq munaidy Aqtaý portynan Baký arqyly Eýropaǵa jóneltedi, - dep habarlaidy Tengrinews.kz saity.
Inpex NorthCaspian Sea Ltd kompaniiasy - Qashaǵannyń operatory North Caspian Operating Company (NCOC) konsortsiýmyndaǵy 7,563 paiyzdyq úleske ie.
"QazTransOil" ókiliniń aitýynsha, kompaniia Aqtaý arqyly 1,5 million tonna Teńiz munaiyn jiberý josparyn saqtap qalýǵa nietti. Biraq Túrkiiadaǵy jer silkinisine bailanysty júk jóneltý ýaqytsha keshiktirilgen.
""QazTransOil" munai aǵyndaryn ártaraptandyrýǵa Transkaspii baǵytynda qatysady. Biyl Aqtaý porty arqyly 1,5 million tonna Teńiz munaiyn aidaý, tieý josparlanǵan bolatyn. Biraq búgingi kúnge deiin bir tonnasy da tiisti merzimde jóneltilgen joq. Túrkiiadaǵy jer silkinisine bailanysty Baký-Tbilisi-Djeihan munai qubyry fors-majorlyq jaǵdai dep jariialandy, sebebi Djeihandaǵy eki ailaq qazir jumys istemeidi, al ekinshi ailaq arqyly olar tek Ázerbaijan munaiyn jóneltedi", - dedi kompaniia ókili.
