فوتو: financialtribune.com
Inpex NorthCaspian Sea Ltd كومپانيياسى قاشاعاننان سىناقتان ٶتكٸزٸلگەن 7 مىڭ توننا قازاقستاندىق مۇنايدى اقتاۋ پورتىنان باكۋ ارقىلى ەۋروپاعا جٶنەلتەدٸ, - دەپ حابارلايدى Tengrinews.kz سايتى.
Inpex NorthCaspian Sea Ltd كومپانيياسى - قاشاعاننىڭ وپەراتورى North Caspian Operating Company (NCOC) كونسورتسيۋمىنداعى 7,563 پايىزدىق ٷلەسكە يە.
"قازترانسويل" ٶكٸلٸنٸڭ ايتۋىنشا, كومپانييا اقتاۋ ارقىلى 1,5 ميلليون توننا تەڭٸز مۇنايىن جٸبەرۋ جوسپارىن ساقتاپ قالۋعا نيەتتٸ. بٸراق تٷركيياداعى جەر سٸلكٸنٸسٸنە بايلانىستى جٷك جٶنەلتۋ ۋاقىتشا كەشٸكتٸرٸلگەن.
""قازترانسويل" مۇناي اعىندارىن ەرتاراپتاندىرۋعا ترانسكاسپيي باعىتىندا قاتىسادى. بيىل اقتاۋ پورتى ارقىلى 1,5 ميلليون توننا تەڭٸز مۇنايىن ايداۋ, تيەۋ جوسپارلانعان بولاتىن. بٸراق بٷگٸنگٸ كٷنگە دەيٸن بٸر تونناسى دا تيٸستٸ مەرزٸمدە جٶنەلتٸلگەن جوق. تٷركيياداعى جەر سٸلكٸنٸسٸنە بايلانىستى باكۋ-تبيليسي-دجەيحان مۇناي قۇبىرى فورس-ماجورلىق جاعداي دەپ جارييالاندى, سەبەبٸ دجەيحانداعى ەكٸ ايلاق قازٸر جۇمىس ٸستەمەيدٸ, ال ەكٸنشٸ ايلاق ارقىلى ولار تەك ەزەربايجان مۇنايىن جٶنەلتەدٸ", - دەدٸ كومپانييا ٶكٸلٸ.
