Qarjylyq monitoring agenttigi Perizat Qairatqa qatysty taǵy bir derekti jariialady, dep habarlaidy ult.kz kaz.inform.kz ke silteme jasap.
foto: Temýr Diýsekeev
QMA eriktiler qozǵalysynyń belsendisi Perizat Qairatqa qatysty taǵy bir derekti jariialady. Iaǵni, onyń zańsyz áreketiniń taǵy bir epizody anyqtalǵan.
«2023 jyldyń qarasha aiynda Perizat Qairat Palestina turǵyndaryna gýmanitarlyq kómek kórsetý úshin qarajat jinaýdy uiymdastyrdy.
2023 jylǵy jeltoqsanda osy aqsha esebinen Perizat Qairat «Sensata Plaza» elitalyq kesheninen 49 mln teńgege úsh bólmeli páter jáne 30 mln teńgege «Mercedes-Benz EQE 500 4 Matic» jańa avtokóligin satyp aldy.
Bul epizod boiynsha Perizat Qairat 200 mln teńgeden asa qarajatty jymqyrdy dep kúdiktelýde.Sonymen qatar, qarajattyń bir bóligi BAÁ-de «Rolex», «Prada» jáne «Fendi» brendtik býtikterinen zergerlik buiymdardy, saǵattar men kiimderdi satyp alýǵa jumsaldy», — delingen agenttik habarlamasynda.
Tergeý jalǵasýda.
«Eger siz Perizat Qairattyń alaiaqtyq áreketteriniń qurbany bolsańyz, Astana qalasy Beibitshilik kóshesi, 10 meken-jaiy boiynsha nemese +7 (7172) 70-84-78 telefon nómiri boiynsha Qarjylyq monitoring agenttigine habarlasýyńyzdy suraimyz», — dep jazdy vedomstvodan.
Aita keteiik, buǵan deiin Perizat Qairat parasport federatsiiasyndaǵy qyzmetinen alyndy.
Onyń aldynda eriktiler qozǵalysynyń belsendisi jáne qoǵamdyq qaiyrymdylyq qorynyń quryltaishysy Perizat Qairat ustalyp, oǵan qatysty tergeý júrgizilip jatqany belgili boldy.
