قارجىلىق مونيتورينگ اگەنتتٸگٸ پەريزات قايراتقا قاتىستى تاعى بٸر دەرەكتٸ جارييالادى, دەپ حابارلايدى ult.kz kaz.inform.kz كە سٸلتەمە جاساپ.
فوتو: تەمۋر ديۋسەكەەۆ
قما ەرٸكتٸلەر قوزعالىسىنىڭ بەلسەندٸسٸ پەريزات قايراتقا قاتىستى تاعى بٸر دەرەكتٸ جارييالادى. ياعني, ونىڭ زاڭسىز ەرەكەتٸنٸڭ تاعى بٸر ەپيزودى انىقتالعان.
«2023 جىلدىڭ قاراشا ايىندا پەريزات قايرات پالەستينا تۇرعىندارىنا گۋمانيتارلىق كٶمەك كٶرسەتۋ ٷشٸن قاراجات جيناۋدى ۇيىمداستىردى.
2023 جىلعى جەلتوقساندا وسى اقشا ەسەبٸنەن پەريزات قايرات «Sensata Plaza» ەليتالىق كەشەنٸنەن 49 ملن تەڭگەگە ٷش بٶلمەلٸ پەتەر جەنە 30 ملن تەڭگەگە «Mercedes-Benz EQE 500 4 Matic» جاڭا اۆتوكٶلٸگٸن ساتىپ الدى.
بۇل ەپيزود بويىنشا پەريزات قايرات 200 ملن تەڭگەدەن اسا قاراجاتتى جىمقىردى دەپ كٷدٸكتەلۋدە.سونىمەن قاتار, قاراجاتتىڭ بٸر بٶلٸگٸ باە-دە «Rolex», «Prada» جەنە «Fendi» برەندتٸك بۋتيكتەرٸنەن زەرگەرلٸك بۇيىمداردى, ساعاتتار مەن كيٸمدەردٸ ساتىپ الۋعا جۇمسالدى», — دەلٸنگەن اگەنتتٸك حابارلاماسىندا.
تەرگەۋ جالعاسۋدا.
«ەگەر سٸز پەريزات قايراتتىڭ الاياقتىق ەرەكەتتەرٸنٸڭ قۇربانى بولساڭىز, استانا قالاسى بەيبٸتشٸلٸك كٶشەسٸ, 10 مەكەن-جايى بويىنشا نەمەسە +7 (7172) 70-84-78 تەلەفون نٶمٸرٸ بويىنشا قارجىلىق مونيتورينگ اگەنتتٸگٸنە حابارلاسۋىڭىزدى سۇرايمىز», — دەپ جازدى ۆەدومستۆودان.
ايتا كەتەيٸك, بۇعان دەيٸن پەريزات قايرات پاراسپورت فەدەراتسيياسىنداعى قىزمەتٸنەن الىندى.
ونىڭ الدىندا ەرٸكتٸلەر قوزعالىسىنىڭ بەلسەندٸسٸ جەنە قوعامدىق قايىرىمدىلىق قورىنىڭ قۇرىلتايشىسى پەريزات قايرات ۇستالىپ, وعان قاتىستى تەرگەۋ جٷرگٸزٸلٸپ جاتقانى بەلگٸلٸ بولدى.
