Foto: primeminister.kz
Qarjy vitse-ministri Erjan Birjanov Úkimet úiindegi brifingide ieligindegi múlikter týraly málimet berdi, dep habarlaidy Kazinform agenttigi.
«Sybailas jemqorlyqqa qarsy kúres zańynyń 11-baby boiynsha, saiasi memlekettik qyzmetshiler 2025 jyldyń 1 qańtarynan bastap tabys deklaratsiiasyn jariialaý kerek. Ózim týraly aitsam, negizgi deklaratsiiada jeke menshigimdegi úsh bólmeli páterdi, avtokólikti kórsettim. Máshinem «dókei» emes. 2017 jylǵy BMW kóligi. Ústimdegi kostiýmim - Qazaqstan óndirisiniki. Tipti leiblin kórsete alam. Aiaq kiimim de Qazaqstandiki. Páterimniń aýdany – 74,5 sharshy metr», - dedi vitse-ministr Úkimet úiinde ótken brifingi kezinde.
Degenmen, ol ieligindegi páterdiń qunyn aitpady.
«Onyń naryqtaǵy baǵasyn aita almaimyn. Men deklaratsiiada onyń nómirin, mekenjaiyn ǵana kórsettim. Al qunyn salyqty esepteitin ýákiletti organdar baǵalaidy. Men jyl saiyn sonyń negizinde salyq tóleimin», - dedi Erjan Birjanov.
