فوتو: primeminister.kz
قارجى ۆيتسە-مينيسترٸ ەرجان بٸرجانوۆ ٷكٸمەت ٷيٸندەگٸ بريفينگٸدە يەلٸگٸندەگٸ مٷلٸكتەر تۋرالى مەلٸمەت بەردٸ, دەپ حابارلايدى Kazinform اگەنتتٸگٸ.
«سىبايلاس جەمقورلىققا قارسى كٷرەس زاڭىنىڭ 11-بابى بويىنشا, ساياسي مەملەكەتتٸك قىزمەتشٸلەر 2025 جىلدىڭ 1 قاڭتارىنان باستاپ تابىس دەكلاراتسيياسىن جارييالاۋ كەرەك. ٶزٸم تۋرالى ايتسام, نەگٸزگٸ دەكلاراتسييادا جەكە مەنشٸگٸمدەگٸ ٷش بٶلمەلٸ پەتەردٸ, اۆتوكٶلٸكتٸ كٶرسەتتٸم. مەشينەم «دٶكەي» ەمەس. 2017 جىلعى BMW كٶلٸگٸ. ٷستٸمدەگٸ كوستيۋمٸم - قازاقستان ٶندٸرٸسٸنٸكٸ. تٸپتٸ لەيبلٸن كٶرسەتە الام. اياق كيٸمٸم دە قازاقستاندٸكٸ. پەتەرٸمنٸڭ اۋدانى – 74,5 شارشى مەتر», - دەدٸ ۆيتسە-مينيستر ٷكٸمەت ٷيٸندە ٶتكەن بريفينگٸ كەزٸندە.
دەگەنمەن, ول يەلٸگٸندەگٸ پەتەردٸڭ قۇنىن ايتپادى.
«ونىڭ نارىقتاعى باعاسىن ايتا المايمىن. مەن دەكلاراتسييادا ونىڭ نٶمٸرٸن, مەكەنجايىن عانا كٶرسەتتٸم. ال قۇنىن سالىقتى ەسەپتەيتٸن ۋەكٸلەتتٸ ورگاندار باعالايدى. مەن جىل سايىن سونىڭ نەگٸزٸندە سالىق تٶلەيمٸن», - دەدٸ ەرجان بٸرجانوۆ.
