Pavlodar oblysynda káriz qudyǵyndaǵy gazdan ýlanyp kóz jumǵan alty jumysshynyń otbasyna jan-jaqty qoldaý kórsetiledi. Onyń ishinde marqumdardyń nesielerin óteýge kómek berý de qarastyrylǵan. Bul týraly oblys ákimdiginiń baspasóz qyzmeti habarlady, dep habarlaidy ult.kz.
Oblys ákimi Asaiyn Baihanov qaiǵyly oqiǵa bolǵan «Aqtogai Milk» JShS-ne baryp, qaza tapqan azamattardyń týystarymen kezdesti. Aimaq basshysy olardyń qaiǵysyna ortaqtasyp, memleket pen jumys berýshi tarapynan qajetti qoldaý kórsetiletinin aitty.
– Qaza bolǵan azamattardyń otbasylaryna memleket tarapynan da, jumys berýshi tarapynan da keshendi kómek kórsetiledi. Olarǵa materialdyq qoldaý beriledi, jyl sońyna deiingi jalaqysy tólenedi jáne nesielerin óteýge járdem jasalady, – delingen ákimdik habarlamasynda.
Sondai-aq kompaniia marqumdardyń kámeletke tolmaǵan balalarynyń 18 jasqa deiingi kútimi men bilim alýyna bailanysty barlyq shyǵyndy óz moinyna alatynyn málimdedi.
Oblys ákimi Memlekettik eńbek inspektsiiasy komitetiniń departamentine, politsiiaǵa jáne prokýratýraǵa atalǵan oqiǵanyń tergelýin erekshe baqylaýǵa alýdy tapsyrdy.
Eske salaiyq, qaiǵyly jaǵdai Pavlodar oblysynyń Aqtoǵai aýdanyndaǵy Jolaman aýylynda bolǵan. Káriz qudyǵyndaǵy gazdan ýlaný saldarynan 1963, 1975, 1983, 1998, 2006 jáne 2009 jyly týǵan alty jumysshy kóz jumdy. Taǵy bir azamat aýdandyq aýrýhanaǵa jetkizilgen.
