پاۆلودار وبلىسىندا كەرٸز قۇدىعىنداعى گازدان ۋلانىپ كٶز جۇمعان التى جۇمىسشىنىڭ وتباسىنا جان-جاقتى قولداۋ كٶرسەتٸلەدٸ. ونىڭ ٸشٸندە مارقۇمداردىڭ نەسيەلەرٸن ٶتەۋگە كٶمەك بەرۋ دە قاراستىرىلعان. بۇل تۋرالى وبلىس ەكٸمدٸگٸنٸڭ باسپاسٶز قىزمەتٸ حابارلادى, دەپ حابارلايدى ult.kz.
وبلىس ەكٸمٸ اسايىن بايحانوۆ قايعىلى وقيعا بولعان «Aqtogai Milk» جشس-نە بارىپ, قازا تاپقان ازاماتتاردىڭ تۋىستارىمەن كەزدەستٸ. ايماق باسشىسى ولاردىڭ قايعىسىنا ورتاقتاسىپ, مەملەكەت پەن جۇمىس بەرۋشٸ تاراپىنان قاجەتتٸ قولداۋ كٶرسەتٸلەتٸنٸن ايتتى.
– قازا بولعان ازاماتتاردىڭ وتباسىلارىنا مەملەكەت تاراپىنان دا, جۇمىس بەرۋشٸ تاراپىنان دا كەشەندٸ كٶمەك كٶرسەتٸلەدٸ. ولارعا ماتەريالدىق قولداۋ بەرٸلەدٸ, جىل سوڭىنا دەيٸنگٸ جالاقىسى تٶلەنەدٸ جەنە نەسيەلەرٸن ٶتەۋگە جەردەم جاسالادى, – دەلٸنگەن ەكٸمدٸك حابارلاماسىندا.
سونداي-اق كومپانييا مارقۇمداردىڭ كەمەلەتكە تولماعان بالالارىنىڭ 18 جاسقا دەيٸنگٸ كٷتٸمٸ مەن بٸلٸم الۋىنا بايلانىستى بارلىق شىعىندى ٶز موينىنا الاتىنىن مەلٸمدەدٸ.
وبلىس ەكٸمٸ مەملەكەتتٸك ەڭبەك ينسپەكتسيياسى كوميتەتٸنٸڭ دەپارتامەنتٸنە, پوليتسيياعا جەنە پروكۋراتۋراعا اتالعان وقيعانىڭ تەرگەلۋٸن ەرەكشە باقىلاۋعا الۋدى تاپسىردى.
ەسكە سالايىق, قايعىلى جاعداي پاۆلودار وبلىسىنىڭ اقتوعاي اۋدانىنداعى جولامان اۋىلىندا بولعان. كەرٸز قۇدىعىنداعى گازدان ۋلانۋ سالدارىنان 1963, 1975, 1983, 1998, 2006 جەنە 2009 جىلى تۋعان التى جۇمىسشى كٶز جۇمدى. تاعى بٸر ازامات اۋداندىق اۋرۋحاناعا جەتكٸزٸلگەن.
