Memlekettik keńesshi Erlan Qarin sarapshylar forýmynda Qazaqstannyń saiasi transformatsiiasy taqyrybynda sóz sóiledi, - dep habarlaidy Tengrinews.kz.
"Qazir qýatty institýttyq reformalar júrgizilip jatyr, onyń nátijesi kúshti institýttardy qalyptastyrýǵa tiis. Biraq qundylyqtardy qalpyna keltirmei bul múmkin emes, bul - ózara bailanysty protsester.
Sondyqtan jańa etika men jańa qundylyqtardy nasihattaý qajet. Prezidenttiń óńirlerge jasaǵan is-saparlarynda osyǵan basa nazar aýdaryp, eńbek kýltin, bilimniń mańyzdylyǵyn, ózara kómek pen yntymaq qundylyǵyn dáriptep otyrýy beker emes.
Sondai-aq, Prezident ulttyq biregeilikke degen jańa kózqarasty qalyptastyrdy, onyń basty belgisi – kógildir tólqujatymyz", - dedi ol óz sózinde.
Qarin Prezidenttiń kók pasport týraly sózinde azamattyq biregeilikke qatysty patriottyq jaily oi bar ekenin aitty.
"Osylaisha, Memleket basshysy jańa tujyrymdamalar men tyń ideologiialardy talqylaýǵa shyǵaryp otyr", - dep túiindedi ol.
