مەملەكەتتٸك كەڭەسشٸ ەرلان قارين ساراپشىلار فورۋمىندا قازاقستاننىڭ ساياسي ترانسفورماتسيياسى تاقىرىبىندا سٶز سٶيلەدٸ, - دەپ حابارلايدى Tengrinews.kz.
"قازٸر قۋاتتى ينستيتۋتتىق رەفورمالار جٷرگٸزٸلٸپ جاتىر, ونىڭ نەتيجەسٸ كٷشتٸ ينستيتۋتتاردى قالىپتاستىرۋعا تيٸس. بٸراق قۇندىلىقتاردى قالپىنا كەلتٸرمەي بۇل مٷمكٸن ەمەس, بۇل - ٶزارا بايلانىستى پروتسەستەر.
سوندىقتان جاڭا ەتيكا مەن جاڭا قۇندىلىقتاردى ناسيحاتتاۋ قاجەت. پرەزيدەنتتٸڭ ٶڭٸرلەرگە جاساعان ٸس-ساپارلارىندا وسىعان باسا نازار اۋدارىپ, ەڭبەك كۋلتٸن, بٸلٸمنٸڭ ماڭىزدىلىعىن, ٶزارا كٶمەك پەن ىنتىماق قۇندىلىعىن دەرٸپتەپ وتىرۋى بەكەر ەمەس.
سونداي-اق, پرەزيدەنت ۇلتتىق بٸرەگەيلٸككە دەگەن جاڭا كٶزقاراستى قالىپتاستىردى, ونىڭ باستى بەلگٸسٸ – كٶگٸلدٸر تٶلقۇجاتىمىز", - دەدٸ ول ٶز سٶزٸندە.
قارين پرەزيدەنتتٸڭ كٶك پاسپورت تۋرالى سٶزٸندە ازاماتتىق بٸرەگەيلٸككە قاتىستى پاتريوتتىق جايلى وي بار ەكەنٸن ايتتى.
"وسىلايشا, مەملەكەت باسشىسى جاڭا تۇجىرىمدامالار مەن تىڭ يدەولوگييالاردى تالقىلاۋعا شىعارىپ وتىر", - دەپ تٷيٸندەدٸ ول.
