- 10 myń teńgelik banknottaǵy Prezident beinesi 25 jyldaǵy jetistikterimizdiń kórinisi. Bul pikirdi QazAqparat tilshisine Qazaqstan strategiialyq zertteýler institýtynyń direktory Erlan Qarin bildirdi.
«Menińshe, bul bastamanyń ózindik simvolikalyq máni bar. Eń mańyzdylyǵy da sonda - biz Elbasynyń árqashanda óziniń beinesin teńgege salýǵa nemese beinesi bar eskertkishter turǵyzýǵa, óz atymen kóshe, qalalardy ataýǵa qarsylyq bildirip júretindigin jaqsy bilemiz. Degenmen, qazirgi sát te erekshe bolyp tur. Sebebi, biz bir aidan keiin, elimizdiń Táýelsizdiginiń 25 jyldyǵyn atap ótetin bolamyz. Shyndyǵyn aitqanda, qansha jerden syni kórinse de osy mereitoidyń mán-maǵynasyna kóp jaǵdaida tereń úńilmeimiz, onyń mańyzyn da eskere bermeitin siiaqtymyz. Bul - bizdiń memlekettigimizdiń, jańa memlekettiligimizdiń, azattyǵymyz ben bostandyǵymyzdyń mereitoiy. Ózimizdiń ǵana emes ózgelerdiń de aldynda da nebári 25 jyldyń ishinde ǵana bedeldi, beldi memleket qurǵanymyzdy kórsetip, maqtan etýimiz kerek», - dedi saiasattanýshy.
Onyń paiymynsha, osynaý tarihi kezeńdegi Elbasynyń atqarǵan róli, eńbegi orasan zor. Sondyqtan da qazirgi urpaq Memlket basshysynń tarihi rólin laiyqty túrde tanyp, sanasyna sińirý úshin naqty qadamdarǵa barýlary qajet.
«Banknotta Elbasynyń beinesin jariialaý tek kishkentai ǵana qadam. Biz jańa qoǵam bolǵannan keiin bul tym maqtaýǵa ainalyp ketpei me degen siiaqty jasqanshaqtyq bar. Mundai jasqanshaqtyq, orynsyz uiańdyqqa salynyp, alańdai berýdiń qajeti joq. Memleket basshysy Nursultan Ábishuly Nazarbaevtyń róli erekshe. Ol - Ulttyq lider, Elbasy. Ol - ulttyq birliktiń sivoly. Biz 25 jyldyń ishinde qol jetkizgen jetistikterimizdiń barlyǵy birliktiń, Elbasynyń ainalasyna toptasýymyzdyń arqasy. Al banknotqa Prezident beinesin tańbalaý sol jetistikterimizdi belgileýdiń nyshany.
Jalpy, Elbasynyń atqarǵan eńbekterine bailanysty qoǵam tarapynan basqasha túrde de baǵa berilýi tiis. Tek osy bastamamen ǵana shektelmeý kerek. Bul Elbasyna qatysty maqtaý, madaqtaý emes. Bul ulttyq tarihymyzdyń 25 jyly ishinde birge ótkizgen kezeńniń nátijelenýi dep eseptegen jón», - dedi Erlan Qarin.
.jpeg)