- 10 مىڭ تەڭگەلٸك بانكنوتتاعى پرەزيدەنت بەينەسٸ 25 جىلداعى جەتٸستٸكتەرٸمٸزدٸڭ كٶرٸنٸسٸ. بۇل پٸكٸردٸ قازاقپارات تٸلشٸسٸنە قازاقستان ستراتەگييالىق زەرتتەۋلەر ينستيتۋتىنىڭ ديرەكتورى ەرلان قارين بٸلدٸردٸ.
«مەنٸڭشە, بۇل باستامانىڭ ٶزٸندٸك سيمۆوليكالىق مەنٸ بار. ەڭ ماڭىزدىلىعى دا سوندا - بٸز ەلباسىنىڭ ەرقاشاندا ٶزٸنٸڭ بەينەسٸن تەڭگەگە سالۋعا نەمەسە بەينەسٸ بار ەسكەرتكٸشتەر تۇرعىزۋعا, ٶز اتىمەن كٶشە, قالالاردى اتاۋعا قارسىلىق بٸلدٸرٸپ جٷرەتٸندٸگٸن جاقسى بٸلەمٸز. دەگەنمەن, قازٸرگٸ سەت تە ەرەكشە بولىپ تۇر. سەبەبٸ, بٸز بٸر ايدان كەيٸن, ەلٸمٸزدٸڭ تەۋەلسٸزدٸگٸنٸڭ 25 جىلدىعىن اتاپ ٶتەتٸن بولامىز. شىندىعىن ايتقاندا, قانشا جەردەن سىني كٶرٸنسە دە وسى مەرەيتويدىڭ مەن-ماعىناسىنا كٶپ جاعدايدا تەرەڭ ٷڭٸلمەيمٸز, ونىڭ ماڭىزىن دا ەسكەرە بەرمەيتٸن سيياقتىمىز. بۇل - بٸزدٸڭ مەملەكەتتٸگٸمٸزدٸڭ, جاڭا مەملەكەتتٸلٸگٸمٸزدٸڭ, ازاتتىعىمىز بەن بوستاندىعىمىزدىڭ مەرەيتويى. ٶزٸمٸزدٸڭ عانا ەمەس ٶزگەلەردٸڭ دە الدىندا دا نەبەرٸ 25 جىلدىڭ ٸشٸندە عانا بەدەلدٸ, بەلدٸ مەملەكەت قۇرعانىمىزدى كٶرسەتٸپ, ماقتان ەتۋٸمٸز كەرەك», - دەدٸ ساياساتتانۋشى.
ونىڭ پايىمىنشا, وسىناۋ تاريحي كەزەڭدەگٸ ەلباسىنىڭ اتقارعان رٶلٸ, ەڭبەگٸ وراسان زور. سوندىقتان دا قازٸرگٸ ۇرپاق مەملكەت باسشىسىنڭ تاريحي رٶلٸن لايىقتى تٷردە تانىپ, ساناسىنا سٸڭٸرۋ ٷشٸن ناقتى قادامدارعا بارۋلارى قاجەت.
«بانكنوتتا ەلباسىنىڭ بەينەسٸن جارييالاۋ تەك كٸشكەنتاي عانا قادام. بٸز جاڭا قوعام بولعاننان كەيٸن بۇل تىم ماقتاۋعا اينالىپ كەتپەي مە دەگەن سيياقتى جاسقانشاقتىق بار. مۇنداي جاسقانشاقتىق, ورىنسىز ۇياڭدىققا سالىنىپ, الاڭداي بەرۋدٸڭ قاجەتٸ جوق. مەملەكەت باسشىسى نۇرسۇلتان ەبٸشۇلى نازارباەۆتىڭ رٶلٸ ەرەكشە. ول - ۇلتتىق ليدەر, ەلباسى. ول - ۇلتتىق بٸرلٸكتٸڭ سيۆولى. بٸز 25 جىلدىڭ ٸشٸندە قول جەتكٸزگەن جەتٸستٸكتەرٸمٸزدٸڭ بارلىعى بٸرلٸكتٸڭ, ەلباسىنىڭ اينالاسىنا توپتاسۋىمىزدىڭ ارقاسى. ال بانكنوتقا پرەزيدەنت بەينەسٸن تاڭبالاۋ سول جەتٸستٸكتەرٸمٸزدٸ بەلگٸلەۋدٸڭ نىشانى.
جالپى, ەلباسىنىڭ اتقارعان ەڭبەكتەرٸنە بايلانىستى قوعام تاراپىنان باسقاشا تٷردە دە باعا بەرٸلۋٸ تيٸس. تەك وسى باستامامەن عانا شەكتەلمەۋ كەرەك. بۇل ەلباسىنا قاتىستى ماقتاۋ, ماداقتاۋ ەمەس. بۇل ۇلتتىق تاريحىمىزدىڭ 25 جىلى ٸشٸندە بٸرگە ٶتكٸزگەن كەزەڭنٸڭ نەتيجەلەنۋٸ دەپ ەسەپتەگەن جٶن», - دەدٸ ەرلان قارين.
.jpeg)