Ulttyq qaýipsizdik komitetiniń burynǵy tóraǵasy Kárim Másimov alqabiler sotyna júgine almaidy. Bul týraly QR Joǵarǵy sotynyń qylmystyq ister jónindegi sot alqasynyń tóraǵasy Ábdirashid Júkenov aitty, dep habarlaidy QazAqparat.
Búgin Parlament Májilisinde tilshiler Á.Júkenovten Ulttyq qaýipsizdik komitetiniń burynǵy tóraǵasynyń alqabiler sotyna júginý múmkindigi týraly surady.
«Oǵan qatysty qozǵalyp jatqan ister boiynsha alqabiler sotyna júgine almaidy. Atap aitqanda, alqabiler sotyna jatpaityn isterdiń sanaty bar», - dedi Ábdirashit Júkenov.
«Bul baǵyttaǵy qadamdar zańmen rettelýi kerek. Biz zań aiasynda jumys isteimiz. Zań ózgerse, negiz bolady. Qazir bul ister qupiia qaralady jáne qupiia túrde saqtalady. Meniń oiymsha, is boiynsha tiisti aqparat jariialanady. Kez kelgen memlekette ulttyq qaýipsizdikti qorǵaý bar jáne memleket keibir aqparatty qupiia saqtaýǵa quqyly», - dep túiindedi ol.
