ۇلتتىق قاۋٸپسٸزدٸك كوميتەتٸنٸڭ بۇرىنعى تٶراعاسى كەرٸم مەسٸموۆ القابيلەر سوتىنا جٷگٸنە المايدى. بۇل تۋرالى قر جوعارعى سوتىنىڭ قىلمىستىق ٸستەر جٶنٸندەگٸ سوت القاسىنىڭ تٶراعاسى ەبدٸراشيد جٷكەنوۆ ايتتى, دەپ حابارلايدى قازاقپارات.
بٷگٸن پارلامەنت مەجٸلٸسٸندە تٸلشٸلەر ە.جٷكەنوۆتەن ۇلتتىق قاۋٸپسٸزدٸك كوميتەتٸنٸڭ بۇرىنعى تٶراعاسىنىڭ القابيلەر سوتىنا جٷگٸنۋ مٷمكٸندٸگٸ تۋرالى سۇرادى.
«وعان قاتىستى قوزعالىپ جاتقان ٸستەر بويىنشا القابيلەر سوتىنا جٷگٸنە المايدى. اتاپ ايتقاندا, القابيلەر سوتىنا جاتپايتىن ٸستەردٸڭ ساناتى بار», - دەدٸ ەبدٸراشيت جٷكەنوۆ.
«بۇل باعىتتاعى قادامدار زاڭمەن رەتتەلۋٸ كەرەك. بٸز زاڭ اياسىندا جۇمىس ٸستەيمٸز. زاڭ ٶزگەرسە, نەگٸز بولادى. قازٸر بۇل ٸستەر قۇپييا قارالادى جەنە قۇپييا تٷردە ساقتالادى. مەنٸڭ ويىمشا, ٸس بويىنشا تيٸستٸ اقپارات جارييالانادى. كەز كەلگەن مەملەكەتتە ۇلتتىق قاۋٸپسٸزدٸكتٸ قورعاۋ بار جەنە مەملەكەت كەيبٸر اقپاراتتى قۇپييا ساقتاۋعا قۇقىلى», - دەپ تٷيٸندەدٸ ول.
