Jańadan taǵaiyndalǵan premer-ministr Oljas Bektenov MÁMS júiesine taldaý júrgizýdi surap, ondaǵy qarajattyń tiimsiz paidalanylyp jatqanyn aitty, dep habarlaidy "Ult aqparat".
"MÁMS júiesin qaita qaraý kerek dep sanaimyn. Qarajat osylai tiimsiz paidalanylyp jatqan kezde ony qyrjylandyrýdy arttyrý oiǵa qonymsyz. Sala tolyq tsifrlandyrý men ashyqtyqty talap etedi", – dedi premer-ministr.
Sonymen qatar vitse-premer Roman Skliarǵa barlyq iri ónerkásiptik kásiporyndardyń iesimen kelissóz júrgizý tapsyryldy.
"Olar jaqyn arada óndiristi qaita qurý boiynsha naqty jospar usynýy kerek”— dedi Oljas Bektenov.
Sondai-aq ol ónerkásip alyptary qazaqstandyq taýar, jumys pen qyzmetterdi satyp alýdy arttyrýǵa tiis ekenine nazar aýdardy. Qurylys kompaniialary da tekseriledi.
"Barlyq smetalarda qazaqstandyq qurylys materialdary bolýǵa tiis. Bunymen qosa materialdar men jumystardyń quny joǵary kórsetilmegen be, sony anyqtap, smetalyq qujattamaǵa tekserý júrgizińiz. Jasyratyny joq, smetalarda baǵa asyra siltenedi. Tártip ornatý kerek", – dedi Oljas Bektenov.
Munymen qatar úkimet basshysy ónerkásiptik kásiporyndardy energiiamen qamtamasyz etýdiń mańyzyn atap ótti.
Úkimettiń keńeitilgen otyrysynda Toqaev meditsinalyq saqtandyrý júiesin synǵa alǵan edi. Qordyń prezident pen parlamenttiń synynan keiin áleýmettik meditsinalyq saqtandyrý salasyna birqatar jańalyq engiziletinin habarlady.
