جاڭادان تاعايىندالعان پرەمەر-مينيستر ولجاس بەكتەنوۆ مەمس جٷيەسٸنە تالداۋ جٷرگٸزۋدٸ سۇراپ, ونداعى قاراجاتتىڭ تيٸمسٸز پايدالانىلىپ جاتقانىن ايتتى, دەپ حابارلايدى "ۇلت اقپارات".
"مەمس جٷيەسٸن قايتا قاراۋ كەرەك دەپ سانايمىن. قاراجات وسىلاي تيٸمسٸز پايدالانىلىپ جاتقان كەزدە ونى قىرجىلاندىرۋدى ارتتىرۋ ويعا قونىمسىز. سالا تولىق تسيفرلاندىرۋ مەن اشىقتىقتى تالاپ ەتەدٸ", – دەدٸ پرەمەر-مينيستر.
سونىمەن قاتار ۆيتسە-پرەمەر رومان سكليارعا بارلىق ٸرٸ ٶنەركەسٸپتٸك كەسٸپورىنداردىڭ يەسٸمەن كەلٸسسٶز جٷرگٸزۋ تاپسىرىلدى.
"ولار جاقىن ارادا ٶندٸرٸستٸ قايتا قۇرۋ بويىنشا ناقتى جوسپار ۇسىنۋى كەرەك”— دەدٸ ولجاس بەكتەنوۆ.
سونداي-اق ول ٶنەركەسٸپ الىپتارى قازاقستاندىق تاۋار, جۇمىس پەن قىزمەتتەردٸ ساتىپ الۋدى ارتتىرۋعا تيٸس ەكەنٸنە نازار اۋداردى. قۇرىلىس كومپانييالارى دا تەكسەرٸلەدٸ.
"بارلىق سمەتالاردا قازاقستاندىق قۇرىلىس ماتەريالدارى بولۋعا تيٸس. بۇنىمەن قوسا ماتەريالدار مەن جۇمىستاردىڭ قۇنى جوعارى كٶرسەتٸلمەگەن بە, سونى انىقتاپ, سمەتالىق قۇجاتتاماعا تەكسەرۋ جٷرگٸزٸڭٸز. جاسىراتىنى جوق, سمەتالاردا باعا اسىرا سٸلتەنەدٸ. تەرتٸپ ورناتۋ كەرەك", – دەدٸ ولجاس بەكتەنوۆ.
مۇنىمەن قاتار ٷكٸمەت باسشىسى ٶنەركەسٸپتٸك كەسٸپورىنداردى ەنەرگييامەن قامتاماسىز ەتۋدٸڭ ماڭىزىن اتاپ ٶتتٸ.
ٷكٸمەتتٸڭ كەڭەيتٸلگەن وتىرىسىندا توقاەۆ مەديتسينالىق ساقتاندىرۋ جٷيەسٸن سىنعا العان ەدٸ. قوردىڭ پرەزيدەنت پەن پارلامەنتتٸڭ سىنىنان كەيٸن ەلەۋمەتتٸك مەديتسينالىق ساقتاندىرۋ سالاسىنا بٸرقاتار جاڭالىق ەنگٸزٸلەتٸنٸن حابارلادى.
