Sinoptikter qarashaǵa arnalǵan aýa raiy boljamyn usyndy, - dep habarlaidy "Ult aqparat" "Qazgidromet"-ke silteme jasap.
Boljamǵa sáikes, qarashada respýblika boiynsha aýa temperatýrasy klimattyq norma shamasynda bolady, jaýyn-shashynnyń taralýy: Qazaqstan Respýblikasynyń batys jartysynda normadan az, shyǵysta - norma shamasynda.
"Qarashanyń basynda tsiklon Skandinaviiadan Reseidiń Eýropalyq aýmaǵy (REA) arqyly úlken jyldamdyqpen Qazaqstan aýmaǵyna aýysyp, aýa raiy turaqsyz sipatta bolady. Jaýyn-shashyn jańbyr men jylbysqy qar túrinde bolady dep kútiledi. Respýblikanyń ońtústiginde kóbine jańbyr jaýady. Atmosferalyq fronttarmen bailanysty qatty jaýyn-shashyn elimizdiń soltústik-batysynda, soltústiginde, ortalyǵynda kútiledi. Jel 15-28 m/s deiin kúsheiip, jekelengen aýdandarda kóktaiǵaq bolýy múmkin", - delingen habarlamada.
Qarashanyń alǵashqy kúnderinde QR aýmaǵy boiynsha aýa temperatýrasy túnde -5+5 gradýs, kúndiz +1+9 gradýs, elimizdiń ońtústigi men ońtústik-shyǵysynda jyly bolady - kúndiz +10+18 gradýs.
"Birinshi onkúndiktiń ortasynan bastap belsendi tsiklon shyǵys baǵytta jyljyp Qazaqstan aýmaǵynan ketedi, osy tsiklonnyń izinen Qara teńiz aimaqtarynan antitsiklon taralady. Bul jaýyn-shashynnyń batys óńirlerde toqtaýyna yqpal etedi, sondai-aq onkúndiktiń sońynda respýblikanyń qalǵan aýmaǵynda da jaýyn-shashyn toqtaidy. Aýa temperatýrasy elimizdiń soltústik jartysynda túnde -3-13 gradýsqa deiin, kúndiz -5+2 gradýsqa deiin, ońtústik jartysynda túnde -5+2 gradýsqa deiin, kúndiz 0,+8 gradýsqa deiin birtindep tómendeidi dep kútiledi", - delingen boljamda.
Aidyń ekinshi jáne úshinshi onkúndiginde Qazaqstan aýmaǵynda Soltústik teńiz, Batys jáne Shyǵys Sibir aýdandarynan sýyq aýa massalary jii kelip, turaqsyz aýa raiy boljanady. Termometrlerdiń baǵandary túsýi múmkin:
- batys, soltústik, ortalyq jáne shyǵys oblystarda túnde -17-25°S, kúndiz -5-12°S deiin;
- respýblikanyń ońtústiginde, ońtústik-shyǵysynda túnde -10-17°S, kúndiz -3-10°S deiin.
Alaida Qazaqstan aýmaǵyna Atlantika men Iran aýmaǵynan aýa massalary túsetin jyly kúnderdiń de bolýy kútiledi.
