سينوپتيكتەر قاراشاعا ارنالعان اۋا رايى بولجامىن ۇسىندى, - دەپ حابارلايدى "ۇلت اقپارات" "قازگيدرومەت"-كە سٸلتەمە جاساپ.
بولجامعا سەيكەس, قاراشادا رەسپۋبليكا بويىنشا اۋا تەمپەراتۋراسى كليماتتىق نورما شاماسىندا بولادى, جاۋىن-شاشىننىڭ تارالۋى: قازاقستان رەسپۋبليكاسىنىڭ باتىس جارتىسىندا نورمادان از, شىعىستا - نورما شاماسىندا.
"قاراشانىڭ باسىندا تسيكلون سكانديناۆييادان رەسەيدٸڭ ەۋروپالىق اۋماعى (رەا) ارقىلى ٷلكەن جىلدامدىقپەن قازاقستان اۋماعىنا اۋىسىپ, اۋا رايى تۇراقسىز سيپاتتا بولادى. جاۋىن-شاشىن جاڭبىر مەن جىلبىسقى قار تٷرٸندە بولادى دەپ كٷتٸلەدٸ. رەسپۋبليكانىڭ وڭتٷستٸگٸندە كٶبٸنە جاڭبىر جاۋادى. اتموسفەرالىق فرونتتارمەن بايلانىستى قاتتى جاۋىن-شاشىن ەلٸمٸزدٸڭ سولتٷستٸك-باتىسىندا, سولتٷستٸگٸندە, ورتالىعىندا كٷتٸلەدٸ. جەل 15-28 م/س دەيٸن كٷشەيٸپ, جەكەلەنگەن اۋدانداردا كٶكتايعاق بولۋى مٷمكٸن", - دەلٸنگەن حابارلامادا.
قاراشانىڭ العاشقى كٷندەرٸندە قر اۋماعى بويىنشا اۋا تەمپەراتۋراسى تٷندە -5+5 گرادۋس, كٷندٸز +1+9 گرادۋس, ەلٸمٸزدٸڭ وڭتٷستٸگٸ مەن وڭتٷستٸك-شىعىسىندا جىلى بولادى - كٷندٸز +10+18 گرادۋس.
"بٸرٸنشٸ ونكٷندٸكتٸڭ ورتاسىنان باستاپ بەلسەندٸ تسيكلون شىعىس باعىتتا جىلجىپ قازاقستان اۋماعىنان كەتەدٸ, وسى تسيكلوننىڭ ٸزٸنەن قارا تەڭٸز ايماقتارىنان انتيتسيكلون تارالادى. بۇل جاۋىن-شاشىننىڭ باتىس ٶڭٸرلەردە توقتاۋىنا ىقپال ەتەدٸ, سونداي-اق ونكٷندٸكتٸڭ سوڭىندا رەسپۋبليكانىڭ قالعان اۋماعىندا دا جاۋىن-شاشىن توقتايدى. اۋا تەمپەراتۋراسى ەلٸمٸزدٸڭ سولتٷستٸك جارتىسىندا تٷندە -3-13 گرادۋسقا دەيٸن, كٷندٸز -5+2 گرادۋسقا دەيٸن, وڭتٷستٸك جارتىسىندا تٷندە -5+2 گرادۋسقا دەيٸن, كٷندٸز 0,+8 گرادۋسقا دەيٸن بٸرتٸندەپ تٶمەندەيدٸ دەپ كٷتٸلەدٸ", - دەلٸنگەن بولجامدا.
ايدىڭ ەكٸنشٸ جەنە ٷشٸنشٸ ونكٷندٸگٸندە قازاقستان اۋماعىندا سولتٷستٸك تەڭٸز, باتىس جەنە شىعىس سٸبٸر اۋداندارىنان سۋىق اۋا ماسسالارى جيٸ كەلٸپ, تۇراقسىز اۋا رايى بولجانادى. تەرمومەترلەردٸڭ باعاندارى تٷسۋٸ مٷمكٸن:
- باتىس, سولتٷستٸك, ورتالىق جەنە شىعىس وبلىستاردا تٷندە -17-25°س, كٷندٸز -5-12°س دەيٸن;
- رەسپۋبليكانىڭ وڭتٷستٸگٸندە, وڭتٷستٸك-شىعىسىندا تٷندە -10-17°س, كٷندٸز -3-10°س دەيٸن.
الايدا قازاقستان اۋماعىنا اتلانتيكا مەن يران اۋماعىنان اۋا ماسسالارى تٷسەتٸن جىلى كٷندەردٸڭ دە بولۋى كٷتٸلەدٸ.
