«Qarapaiym zattar ekonomikasy» baǵdarlamasyna ózgerister engizý máselesi pysyqtalyp jatyr. Bul týraly Úkimet otyrysynda QR Ulttyq ekonomika ministri Álibek Qýantyrov aitty, dep habarlaidy QazAqparat.
«Qarapaiym zattar ekonomikasy» baǵdarlamasynyń tiimdiligin taldaý boiynsha aldyn ala baǵalaý júrgizildi. Ol 2020 jyly baǵdarlama qatysýshylaryn qoldaýǵa baǵyttalǵan 1 teńge sýbsidiia 40 teńge ónim shyǵarýǵa jáne 3 teńge salyq tóleýge yqpal etkenin kórsetti. Baǵdarlamany iske asyrýdyń eki jylynda 1,4 trln teńge somasyna ónim shyǵaryldy jáne 136 mlrd teńge somasyna salyq tólendi», - dedi ministr.
Onyń atap ótýinshe, 2019 jyldan 2021 jylǵa deiingi kezeńde 54 myń jumys orny quryldy jáne saqtaldy.
«2021 jylǵa tolyq taldaý tólengen salyqtar men ónim shyǵarý jáne baǵdarlama qatysýshylarynyń ainalymy boiynsha derekter alynǵannan keiin 2022 jyldyń shildesine qarai júrgiziledi. Baǵdarlamaǵa ózgerister engizý boiynsha naqty sheshimder osy jumystyń nátijeleri boiynsha usynylatyn bolady», - dedi Álibek Qýantyrov.
