«قاراپايىم زاتتار ەكونوميكاسى» باعدارلاماسىنا ٶزگەرٸستەر ەنگٸزۋ مەسەلەسٸ پىسىقتالىپ جاتىر. بۇل تۋرالى ٷكٸمەت وتىرىسىندا قر ۇلتتىق ەكونوميكا مينيسترٸ ەلٸبەك قۋانتىروۆ ايتتى, دەپ حابارلايدى قازاقپارات.
«قاراپايىم زاتتار ەكونوميكاسى» باعدارلاماسىنىڭ تيٸمدٸلٸگٸن تالداۋ بويىنشا الدىن الا باعالاۋ جٷرگٸزٸلدٸ. ول 2020 جىلى باعدارلاما قاتىسۋشىلارىن قولداۋعا باعىتتالعان 1 تەڭگە سۋبسيدييا 40 تەڭگە ٶنٸم شىعارۋعا جەنە 3 تەڭگە سالىق تٶلەۋگە ىقپال ەتكەنٸن كٶرسەتتٸ. باعدارلامانى ٸسكە اسىرۋدىڭ ەكٸ جىلىندا 1,4 ترلن تەڭگە سوماسىنا ٶنٸم شىعارىلدى جەنە 136 ملرد تەڭگە سوماسىنا سالىق تٶلەندٸ», - دەدٸ مينيستر.
ونىڭ اتاپ ٶتۋٸنشە, 2019 جىلدان 2021 جىلعا دەيٸنگٸ كەزەڭدە 54 مىڭ جۇمىس ورنى قۇرىلدى جەنە ساقتالدى.
«2021 جىلعا تولىق تالداۋ تٶلەنگەن سالىقتار مەن ٶنٸم شىعارۋ جەنە باعدارلاما قاتىسۋشىلارىنىڭ اينالىمى بويىنشا دەرەكتەر الىنعاننان كەيٸن 2022 جىلدىڭ شٸلدەسٸنە قاراي جٷرگٸزٸلەدٸ. باعدارلاماعا ٶزگەرٸستەر ەنگٸزۋ بويىنشا ناقتى شەشٸمدەر وسى جۇمىستىڭ نەتيجەلەرٸ بويىنشا ۇسىنىلاتىن بولادى», - دەدٸ ەلٸبەك قۋانتىروۆ.
