Qostanai oblysynda karantin sharalarynyń jeńildeýimen bilim berý uiymdarynyń jumysyna ruqsat etildi, dep habarlaidy "Ult aqparat" oblys ákimdigi janyndaǵy jedel shtabqa silteme jasap.
Qostanai oblysynda karantin rejimin kezeń-kezeńimen jeńildetý týraly óńirdiń bas sanitar dárigeri qaýly qabyldaǵan bolatyn.
Osyǵan bailanysty bilim berý uiymdarynyń jumysyna da ózgeris endi. 2021 jylǵy 8 aqpannan bastap arnaiy, mamandandyrylǵan mektepterdiń, erekshe bilim alýyna qajettiligi bar balalarǵa arnalǵan mektep-internattardyń (onyń ishinde ata-anasynyń qamqorlyǵynsyz qalǵan jetim balalarǵa arnalǵan), jalpy úlgidegi mektep-internattardyń, daryndy balalarǵa arnalǵan mektep-internattardyń qyzmetine ruqsat berildi.
«180 adamǵa deiingi kontingenti bar mektepterde ata-analarynyń ótinishi boiynsha mektepaldy jáne 1-4 synyptar úshin kezekshi synyptar uiymdastyrylady. Synyptarda 15-ke deiin ǵana balalar qabyldanady. Qalǵan synyptar qashyqtan bilim alady. Tehnikalyq jáne kásiptik bilim berý uiymdarynyń stýdentteri tek qashyqtan oqytylady. Bilim berý ortalyqtarynyń, túzetý, ońaltý jáne beiimdeý kabinetteriniń (ortalyqtarynyń) qyzmetine aldyn ala jazylý boiynsha ruqsat beriledi. «Baldáýren» respýblikalyq oqý-saýyqtyrý ortalyǵy jáne «Bóbek» ulttyq ǵylymi-praktikalyq bilim berý jáne saýyqtyrý ortalyǵy jumysyn jalǵastyrady», delingen qaýly mátininde.
Qostanailyq oqýshylar 8-shi aqpannan bastap úiirmeler men qosymsha sabaqtarǵa barýǵa múmkindik aldy. Biraq toptarda kelýshiler sany 15 adamnan aspaýy tiis. Jumys rejimi 9:00-den 20:00-ge deiin belgilendi. Olardyń jumysy jeksenbi jáne mereke kúnderi toqtatylady.
