قوستاناي وبلىسىندا كارانتين شارالارىنىڭ جەڭٸلدەۋٸمەن بٸلٸم بەرۋ ۇيىمدارىنىڭ جۇمىسىنا رۇقسات ەتٸلدٸ, دەپ حابارلايدى "ۇلت اقپارات" وبلىس ەكٸمدٸگٸ جانىنداعى جەدەل شتابقا سٸلتەمە جاساپ.
قوستاناي وبلىسىندا كارانتين رەجيمٸن كەزەڭ-كەزەڭٸمەن جەڭٸلدەتۋ تۋرالى ٶڭٸردٸڭ باس سانيتار دەرٸگەرٸ قاۋلى قابىلداعان بولاتىن.
وسىعان بايلانىستى بٸلٸم بەرۋ ۇيىمدارىنىڭ جۇمىسىنا دا ٶزگەرٸس ەندٸ. 2021 جىلعى 8 اقپاننان باستاپ ارنايى, مامانداندىرىلعان مەكتەپتەردٸڭ, ەرەكشە بٸلٸم الۋىنا قاجەتتٸلٸگٸ بار بالالارعا ارنالعان مەكتەپ-ينتەرناتتاردىڭ (ونىڭ ٸشٸندە اتا-اناسىنىڭ قامقورلىعىنسىز قالعان جەتٸم بالالارعا ارنالعان), جالپى ٷلگٸدەگٸ مەكتەپ-ينتەرناتتاردىڭ, دارىندى بالالارعا ارنالعان مەكتەپ-ينتەرناتتاردىڭ قىزمەتٸنە رۇقسات بەرٸلدٸ.
«180 ادامعا دەيٸنگٸ كونتينگەنتٸ بار مەكتەپتەردە اتا-انالارىنىڭ ٶتٸنٸشٸ بويىنشا مەكتەپالدى جەنە 1-4 سىنىپتار ٷشٸن كەزەكشٸ سىنىپتار ۇيىمداستىرىلادى. سىنىپتاردا 15-كە دەيٸن عانا بالالار قابىلدانادى. قالعان سىنىپتار قاشىقتان بٸلٸم الادى. تەحنيكالىق جەنە كەسٸپتٸك بٸلٸم بەرۋ ۇيىمدارىنىڭ ستۋدەنتتەرٸ تەك قاشىقتان وقىتىلادى. بٸلٸم بەرۋ ورتالىقتارىنىڭ, تٷزەتۋ, وڭالتۋ جەنە بەيٸمدەۋ كابينەتتەرٸنٸڭ (ورتالىقتارىنىڭ) قىزمەتٸنە الدىن الا جازىلۋ بويىنشا رۇقسات بەرٸلەدٸ. «بالدەۋرەن» رەسپۋبليكالىق وقۋ-ساۋىقتىرۋ ورتالىعى جەنە «بٶبەك» ۇلتتىق عىلىمي-پراكتيكالىق بٸلٸم بەرۋ جەنە ساۋىقتىرۋ ورتالىعى جۇمىسىن جالعاستىرادى», دەلٸنگەن قاۋلى مەتٸنٸندە.
قوستانايلىق وقۋشىلار 8-شٸ اقپاننان باستاپ ٷيٸرمەلەر مەن قوسىمشا ساباقتارعا بارۋعا مٷمكٸندٸك الدى. بٸراق توپتاردا كەلۋشٸلەر سانى 15 ادامنان اسپاۋى تيٸس. جۇمىس رەجيمٸ 9:00-دەن 20:00-گە دەيٸن بەلگٸلەندٸ. ولاردىڭ جۇمىسى جەكسەنبٸ جەنە مەرەكە كٷندەرٸ توقتاتىلادى.
