Qarqaraly tabiǵat parkinde zańsyz túrde 8 qaraǵai aǵashyn shaýap alǵan jergilikti turǵyn bórenelerdi óz avtokóligimen tasymaldamaqshy bolǵan.
Alaida tabiǵat qorǵaý politsiiasynyń qyzmetkerleri zań buzýshyny joldan ustap aldy, dep habarlaidy "Ult aqparat".
Aǵymdaǵy jyldyń 28 qyrkúieginde Qarqaraly aýdanynyń aýmaǵynda ósimdikter men janýarlar álemin qorǵaý boiynsha reidtik is-sharalar ótkizý kezinde Qarqaraly aýdanynyń tabiǵat qorǵaý politsiiasynyń qyzmetkerleri «Qarqaraly-Egindibulaq» tasjolynyń Egindibulaq aýylyna kire berisinde 51 jastaǵy turǵyn basqaryp kele jatqan «Niva 21213» markaly avtokóligin toqtatty.
Sholyp qaraý kezinde avtokóliktiń tirkemesinen uzyndyǵy 2 metrdi quraityn 8 dana kesilgen qaraǵai tabyldy. Júrgizýshide bul aǵashtardy tasymaldaýǵa nemese satyp alýǵa qandai da bir ruqsat qujattary bolmaǵan.
«Tekserý barysynda 51 jastaǵy er adam Qarqaraly aýdanynyń «Qý ormanshylyǵy» orman qorynyń aýmaǵyna 8 dana qaraǵai zańsyz keskenin moiyndady», - dep habarlady Qaraǵandy oblysy PD baspasóz qyzmeti.
Atalǵan derek boiynsha QR QK 340-babynyń 2-bóligi boiynsha qylmystyq is qozǵaldy.
Qazirgi ýaqytta tergeý amaldary júrgizilýde.
