قارقارالى تابيعات پاركٸندە زاڭسىز تٷردە 8 قاراعاي اعاشىن شاۋاپ العان جەرگٸلٸكتٸ تۇرعىن بٶرەنەلەردٸ ٶز اۆتوكٶلٸگٸمەن تاسىمالداماقشى بولعان.
الايدا تابيعات قورعاۋ پوليتسيياسىنىڭ قىزمەتكەرلەرٸ زاڭ بۇزۋشىنى جولدان ۇستاپ الدى, دەپ حابارلايدى "ۇلت اقپارات".
اعىمداعى جىلدىڭ 28 قىركٷيەگٸندە قارقارالى اۋدانىنىڭ اۋماعىندا ٶسٸمدٸكتەر مەن جانۋارلار ەلەمٸن قورعاۋ بويىنشا رەيدتٸك ٸس-شارالار ٶتكٸزۋ كەزٸندە قارقارالى اۋدانىنىڭ تابيعات قورعاۋ پوليتسيياسىنىڭ قىزمەتكەرلەرٸ «قارقارالى-ەگٸندٸبۇلاق» تاسجولىنىڭ ەگٸندٸبۇلاق اۋىلىنا كٸرە بەرٸسٸندە 51 جاستاعى تۇرعىن باسقارىپ كەلە جاتقان «نيۆا 21213» ماركالى اۆتوكٶلٸگٸن توقتاتتى.
شولىپ قاراۋ كەزٸندە اۆتوكٶلٸكتٸڭ تٸركەمەسٸنەن ۇزىندىعى 2 مەتردٸ قۇرايتىن 8 دانا كەسٸلگەن قاراعاي تابىلدى. جٷرگٸزۋشٸدە بۇل اعاشتاردى تاسىمالداۋعا نەمەسە ساتىپ الۋعا قانداي دا بٸر رۇقسات قۇجاتتارى بولماعان.
«تەكسەرۋ بارىسىندا 51 جاستاعى ەر ادام قارقارالى اۋدانىنىڭ «قۋ ورمانشىلىعى» ورمان قورىنىڭ اۋماعىنا 8 دانا قاراعاي زاڭسىز كەسكەنٸن مويىندادى», - دەپ حابارلادى قاراعاندى وبلىسى پد باسپاسٶز قىزمەتٸ.
اتالعان دەرەك بويىنشا قر قك 340-بابىنىڭ 2-بٶلٸگٸ بويىنشا قىلمىستىق ٸس قوزعالدى.
قازٸرگٸ ۋاقىتتا تەرگەۋ امالدارى جٷرگٸزٸلۋدە.
